ونىڭ ايتۋىنشا, جول قوزعالىسى ەرەجەسىندە بۇرىن بولماعان «ۆەلوسيپەدشى», «ۆەلوسيپەد جولى», «ۆەلوسيپەدكە ارنالعان جولاق» دەگەن سوزدەر ەنگىزىلگەن, سونداي-اق «موپەد», «جول جيەگى» دەگەن سوزدەردىڭ تۇسىنىگى بارىنشا كەڭەيتىلگەن.
ۆەلوسيپەد جولى جانە ۆەلوسيپەد جولاعى بويىنشا ۆەلوسيپەد جۇرگىزۋشىلەرىنە جاس ەرەكشەلىكتەرىنە قاراماستان قوزعالىس رۇقسات ەتىلگەن, سونىمەن بىرگە بۇل جولدارمەن موپەد جۇرگىزۋشىلەرىنە دە جۇرۋگە بولادى.
ۆەلوسيپەد جولى مەن ۆەلوسيپەد جولاعى جوق جەرلەردە موپەد پەن ۆەلوسيپەد جۇرگىزۋشىلەرى (14 جاستان جوعارى) جولدىڭ وڭ جاق بولىگىنىڭ شەتىمەن قوزعالۋىنا بولادى, سونداي-اق ولارعا مارشرۋتتىق كولىك قۇرالدارىنا ارنالعان جولاقپەن قوزعالۋعا دا رۇقسات ەتىلگەن.
بارلىق ۆەلوسيپەدشىلەر, سونىڭ ىشىندە جاسى 14 جاستان تومەن بالالار ۆەلوسيپەد جولى مەن جولاعى جوق جەرلەردە جول جيەگىمەن, تروتۋرار نەمەسە جاياۋ جۇرگىنشىلەر جولىمەن (جاياۋ جۇرگىنشىلەرگە قاۋىپسىزدىك تۋدىرمايتىن جاعدايدا) قوزعالۋىنا بولادى. باسقا جاعدايلاردا ۆەلوسيپەدشى جاياۋ جۇرگىنشى رەتىندە ۆەلوسيپەدىن جەتەكتەپ جۇرەدى.
