ول قىسقا جانە ەركىن باعدارلامالار بويىنشا 187,57 ۇپاي جيناپ, ۇزدىك كورسەتكىشكە قول جەتكىزدى. ە.تۇرسىنباەۆا مانەرلەپ سىرعاناۋدان قىسقى جاسوسپىرىمدەر وليمپيادا ويىندارىنىڭ قولا جۇلدەگەرى (2016 ج.), VIII قىسقى ازيا ويىندارىنىڭ قولا جۇلدەگەرى (2017 ج.), قر حالىقارالىق دارەجەدەگى سپورت شەبەرى.
ەندى ول ۇستىمىزدەگى جىلدىڭ 17-19 قاراشا ارالىعىندا فرانتسيادا وتەتىن «Internationaux de France» گران-ءپريى جارىسىنا, سودان كەيىن قىتايدىڭ شانحاي قالاسىنداعى حالىقارالىق تۋرنيرگە قاتىسادى. 2018 جىلدىڭ قاڭتار ايىندا ءتورت قۇرلىق چەمپيوناتىندا ونەر كورسەتسە, اقپان ايىندا پحەنچحان (وڭتۇستىك كورەيا) قالاسىندا وتەتىن XXIII قىسقى وليمپيادا ويىندارىندا ەلىمىزدىڭ نامىسىن قورعايدى.
