بۇل وزگەرىستەن ءبىز نە كۇتەمىز؟ جالپى العاندا, لاتىن گرافيكاسى قازاق ءتىلىنىڭ دىبىستىق جۇيەسىن تابيعي قالىپقا ءتۇسىرىپ, جاساندىلىققا ۇرىنعان ارتيكۋلياتسيالىق بازاسىنان ارىلتۋى ءتيىس.
ەكىنشىدەن, بۇرىنعى قىرىق ەكى ءارىپتىڭ سانى قىسقارىپ, جاڭادان ماقۇلدانعان 32 ءارىپ-دىبىستىق ءالىپبيدىڭ ەرەكشەلىگى, بولاشاقتا جازۋ سىيىمدىلىعىن ارتتىرۋعا نەگىز بولارى انىق.
ۇشىنشىدەن, جاڭا ءالىپبي ءتىلىمىزدىڭ ۇلتتىق سيپاتىن ارتتىرىپ, سانامىزدى سىلكىنتىپ, جادىمىزدى جاڭعىرتىپ, رۋحاني بوداندىقتان قۇتقارۋدىڭ جولى بولار دەگەن ءۇمىت بار.
وسى ورايدا ەلباسى ءوزى باستاماشى بولعان رۋحاني وزگەرىستى باياندى ىسكە اسىرۋ ءۇشىن ارنايى كوميسسيا قۇرۋدى لاتىن الىپبيىنە كوشۋدىڭ كەزەڭدىك باعدارلاماسىن دايىنداۋدى پرەزيدەنتىنىڭ اكىمشىلىگىنە تاپسىرىپتى. وسىنداي كەمەل دە كەلەلى ىسكە تەك ساتتىلىك تىلەۋدەن باسقا نە ايتۋعا بولادى.
«كوش جۇرە تۇزەلەدى» دەگەندەي, بولاشاقتا لاتىن الىپبيىنە بىزدەن بۇرىن كوشكەن تۇركيا, وزبەكستان, ازەربايجان, تۇرىكمەنستان سەكىلدى تۇركىتىلدەس ەلدەردىڭ تاجىريبەسىنە سۇيەنە وتىرىپ, ولاردىڭ جىبەرگەن قاتە-كەمشىلىكتەرىنەن ساباق الۋىمىز قاجەت.
مۇحتارباي وتەلباەۆ,
ۇعا اكادەميگى
