اتالعان جارمەڭكەنىڭ ماقساتى – كوممەرتسيالىق ەمەس ۇيىمداردىڭ جانە كاسىپكەرلەردىڭ قوعامنىڭ الەۋمەتتىك ماسەلەلەرىن شەشۋدە ءوزارا ءىس-قيمىلىن كۇشەيتۋ, بيزنەستىڭ الەۋمەتتىك جاۋاپكەرشىلىگى تاجىريبەسىن دامىتۋ بولىپ تابىلادى. جارمەڭكە ۇكىمەتتىك ەمەس ۇيىمداردىڭ قازاقستاندىق كاسىپكەرلەر ءۇشىن الەۋمەتتىك ماسەلەلەردى شەشۋگە باعىتتالعان جوبالارىن ۇسىنۋعا بىرەگەي مۇمكىندىك بەرەدى.
جارمەڭكەگە ەڭ كوپ وتىنىمدەر پاۆلودار (20), قوستاناي (17), وڭتۇستىك قازاقستان (12) وبلىستارىنان جانە استانا قالاسىنان (13) كەلىپ تۇسكەن. وتاندىق كاسىپكەرلەر جانە قىزىعۋشىلىق تانىتقان كەز كەلگەن تۇلعا asar2017.kz سايتى ارقىلى ۇەۇ ۇسىنعان جوبالارمەن تولىق تانىسىپ, ولاردى جۇزەگە اسىرۋعا قولداۋ كورسەتە الادى. كاسىپكەرلەر تاراپىنان قولداۋ تاپقان ەڭ تابىستى ۇەۇ جوبالارى 2017 جىلعى 30-31 قازاندا اتىراۋ قالاسىندا وتەتىن «اسار» اتتى ۇشجاقتى سەرىكتەستىك فورۋمىندا تانىستىرىلادى. اتالعان شارا «رۋحاني جاڭعىرۋ» باعدارلاماسىنىڭ اياسىندا وتەدى جانە ۇەۇ, بيزنەس جانە مەملەكەت ءۇشىن جىل سايىنعى سۇحبات الاڭىنا اينالادى.
اتالعان فورۋم ءدىن ىستەرى جانە ازاماتتىق قوعام مينيسترلىگى, «اتامەكەن» ۇلتتىق كاسىپكەرلەر پالاتاسى جانە «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ قولداۋىمەن ۇيىمداستىرىلىپ وتىر.
«ەگەمەن-اقپارات»
