NHK تەلەارناسى حابارلاعانداي, فۋكۋوكا قالاسىندا 63 جاستاعى جەرگىلىكتى تۇرعىندى قۇرىلىس نىسانى اينالاسىنا ورناتىلعان اعاش ساتىلار باسىپ قالعان. ال حونسيۋ ارالىنداعى كيسيۆادا قالاسىندا كولىكتى تەڭىزگە شايىپ كەتىپ, ىشىنەن ايەل بوساپ شىعا الماي كوز جۇمدى. قالعان ادامدار ۇستىنە ءارتۇرلى زاتتار, جارناما قالقاندارى, اعاشتار قۇلاعانان وپات بولدى.
سونداي-اق ۆاكاياما پرەفەكتۋراسىندا ءۇيى لاي كوشكىنى سالدارىنان قيراعان 82 جاستاعى زەينەتكەر ءىز-ءتۇزسىز جوعالدى. قاتتى داۋىل مەن تولاسسىز جاۋعان جاۋىنعا بايلانىستى جولاۋشىلار پويىزدارىنىڭ قوزعالىسى مەن اۋە رەيستەرى توقتاتىلدى.
فۋكۋسيما وڭىرىندەگى 81 مىڭ ادام جەدەل ەۆاكۋاتسيا تۋرالى حابارلاما الدى. جاپوندىق باسىلىمداردىڭ حابارلاۋىنشا, جەلدىڭ ەكپىنى 45 م/سەك دەيىن جەتەدى.
مەتەورولوگتاردىڭ مالىمدەۋىنشە, تايفۋننىڭ وشاعى قازىر حونسيۋ ارالىنىڭ سولتۇستىك بولىگىندە ورنالاسىپ وتىر.
