ء«ۇيىمىزدى سۋ شايىپ كەتتى»
راۋشان يمانعاليەۆانىڭ 6 بالاسى بار. كۇيەۋى مەن ەكى بالاسى اسا اۋىر دەڭگەيدەگى برونح دەمىكپەسى دياگنوزىمەن مۇگەدەكتىككە شىققان. كوكتەمدە ستانسا ماڭىنداعى كانال ارناسىنان اسىپ, جاقىن ماڭايداعى ۇيلەردىڭ ىرگەسىنە سۋ جۇگىرگەن. راۋشان يمانعاليەۆا كوكتەمگى سۋ تاسقىنى كەزىندە ساماننان سوعىلعان ەسكى ءۇي شىداس بەرمەي, قۇلاپ قالعانىن ايتادى.
سۋ شايعاننان كەيىنگى ءۇي.
«سوڭعى 4-5 جىلدا كوكتەمدە سۋ ارناسىنان تاسيتىن. اكىمدىك تەحنيكا بەرىپ, اپاتتىڭ الدىن الىپ جۇردىك. دەگەنمەن, بيىل ۇيگە تولىعىمەن سۋ كىردى. تۇندە استانا قالاسى اكىمىنىڭ الماتى اۋدانى بويىنشا باس ينسپەكتورى كەلىپ, توتەنشە جاعداي قىزمەتكەرلەرىن شاقىرتتى. ءبىزدى تۋىستارىمىزدىڭ ۇيىنە اپاردى», دەيدى راۋشان يمانعاليەۆا.
سۋ شايعاننان كەيىنگى ءۇيدىڭ ءىشى
ونىڭ ايتۋىنشا, باس ينسپەكتور راميل مايشۋللا ۇلى ءبىر ايعا پاتەر جالداپ بەرگەن. بىراق ەرلى-زايىپتىلاردىڭ ەكەۋى دە جۇمىسسىز بولعاندىقتان, پاتەر جالداپ تۇرا الماعان. ءسويتىپ, الدىمەن ءۇي الدىنداعى گاراجدا كۇنەلتۋگە ءماجبۇر بولعان. قازىر الماتى اۋدانى اكىمدىگى ۋاقىتشا پانالاۋعا بەرگەن كيىز ۇيدە تۇرىپ جاتىر.
جالدامالى پاتەردە تۇرا الماعان وتباسى الدىمەن مىنا گاراجدا تۇرعان
ء«بىر جارىم جاسار بالاما وپەراتسيا جاساتۋ كەرەك»
جىعىلعانعا جۇدىرىق دەمەكشى, وتباسىنىڭ كىشىسى, ءبىر جارىم جاسار بالا قاتتى اۋىرىپ, اۋرۋحاناعا تۇسكەن. ءوزى مۇگەدەك بالانىڭ اعزاسى بارلىق دارىلەرگە كەرى رەاكتسيا بەرىپ, ەم قونباي جاتىر ەكەن.
ءدارى-دارمەكتەر
«بالامنىڭ اللەرگياسى نەدەن ەكەنى انىقتالمادى. دارىگەرلەر «انا مەن بالا» ورتالىعىنا بارىپ, انىقتاۋعا بولادى دەدى. بىراق اقىلى ەمگە قاراجات جەتىسپەيدى. كۆوتا الۋ جەڭىل بولعانىمەن, ۇيدەن شىعا الار ەمەسپىن. جولداسىم ءجيى اۋىرادى», دەيدى راۋشان يمانعاليەۆا.
قىلىشىن سۇيرەتىپ قىس كەلەدى. وتباسى ءالى كيىز ۇيدە وتىر
كيىز ۇيدە تۇنەپ جۇرگەن التى بالا مەن قامكوڭىل اتا-انانىڭ جاعدايى كۇزدىڭ قارا سۋىعىندا قانداي ەكەنى ايتپاسا دا تۇسىنىكتى شىعار. ەڭ قيىنى, جاڭبىر جاۋسا, سۋ سورعالايدى.
كيىز ءۇيدىڭ جانىندا جاڭا ءۇيدىڭ قۇرىلىسى ءجۇرىپ جاتىر
«جاڭبىر جاۋسا, سۋ سارىلداپ اعىپ, شىلقىپ كەتەمىز. قازىر تەك مۇگەدەكتىك بويىنشا بەرىلەتىن جاردەماقىعا كۇن كورىپ وتىرمىز. قاجەتتى ءدارى-دارمەكتىڭ كەيبىرى تەگىن بەرىلەدى, كەيبىرىن ساتىپ الامىز. بۇكىل كيىمدەرىمىز سۋدان شايىلىپ, ءشىرىپ كەتتى. قازىر بالالارىمنىڭ اياعىندا اياق كيىم جوق. جازدىق كيىممەن ءجۇر», دەيدى ول.
جالعىز جاردەماقىعا قاراپ وتىرعان راۋشان يمانعاليەۆانىڭ قاتارىنان التى اياق كيىم, التى كۇرتە الاتىن شاماسى جوق. سوندىقتان, ازىرگە كەزەك-كەزەك كيىم العالى وتىر.
«اسار» كەلەدى دەگەندە, التى بالا بورىكتەرىن اسپانعا لاقتىرعان
«كومەك سۇراپ بارماعان جەرىم, باسپاعان تاۋىم جوق. بارلىعى اكىمدىككە سىلتەيدى. اكىمدىك قولدان كەلگەن كومەگىن كورسەتىپ جاتىر. زاڭ بويىنشا ولار بىزگە ءۇي سالىپ بەرۋگە مىندەتتى ەمەس. سودان, «زەكەت» قورىنا باردىم. ولار كومەكتەسە المايتىنىن ايتتى», دەيدى راۋشان يمانعاليەۆا.
«زەكەت» قورىنا حابارلاسقانىمىزدا قور وكىلى دەر كەزىندە قارجى بولماعانىن ايتتى. الايدا قورعا ءوتىنىش جازسا, كوميسسيا تەكسەرىسىنەن كەيىن كومەك كورسەتىلۋى مۇمكىن.
اۋداندىق اكىمدىك دە ساۋاپتى ىسكە دەمەۋشى تابىلسا, ءۇيدىڭ قۇرىلىسىنا قولدا بار كومەكتى ايامايمىز دەگەن.
ءۇيدى سالۋدا ەسكى قۇرىلىس ماتەريالدارى پايدالانىلعاندىقتان, قۇرىلىسشىلار ءبۇتىن قابىرعادان تەرەزە ويۋعا ءماجبۇر بولعان
وسىنداي شاراسىز كۇيدە وتىرعان وتباسى قايىرىمدىلىق قورلارىنىڭ تاعى بىرىنە حابارلاسقان. قوردىڭ جەتەكشىسى كوڭىلباي شوكەنوۆ اسارمەن ءۇي سالۋعا بولاتىنىن ايتقان.
جاڭادان سالىنىپ جاتقان ءۇي
ء«بىز سەمەنوۆكا دەگەن اۋىلدا سۋ باسقان 35 ءۇيدىڭ ۇشەۋىن قايتا سالىپ, قالعان 32 ءۇيدى ماتەريالدارمەن قامتيمىز دەپ شەشكەنبىز. راۋشان اپايعا كومەكتەسۋ جوسپارىمىزدا بولماسا دا, جاعدايىن كورگەننەن كەيىن باس تارتا المادىق. قازىر بىزدە قۇرىلىس ماتەريالدارىنىڭ 70 پايىزى بار», دەيدى قايىرىمدىلىق قورىنىڭ نەگىزىن قالاۋشى كوڭىلباي شوكەنوۆ.
ونىڭ ايتۋىنشا, ءۇي قۇرىلىسىن اسارلاتىپ, العاشقى قارعا دەيىن ءبىتىرۋ جوسپارلانعان.
قۇرىلىس ءجۇرىپ جاتقان ءۇيدىڭ ءىشى. جاڭا ءۇي ءۇش بولمەلى بولادى دەپ جوسپارلانعان
«ارينە, اكىمدىك قول ۇشىن بەرىپ جاتىر. تەحنيكامەن قامتىپ وتىر. ادامدار دا جىبەردى. بىراق قالعان 30 پايىز ماتەريالدى تابۋ ءۇشىن تارشىلىق كورىپ جاتىرمىز. ءبارى قارجىعا تىرەلىپ تۇر. قۇرىلىس باسىندا دا ادام سانى از. ەرىكتىلەر بولسا, ەكى اۋىسىممەن جۇمىس ىستەسەك تە, ءۇي قۇرىلىسىن ءبىتىرىپ بەرۋگە بولار ەدى», دەيدى قايىرىمدىلىق قورىنداعىلار.
«بىزگە ەڭ كەرەگى – ءۇي قۇرىلىسىنا قاجەتتى قارجى»
«جۋرناليستەر جاعدايىمىزدى تەلەارناعا ءتۇسىرىپ, گازەتكە جازىپ الىپ كەتەدى. ارينە, ادامدار كەلىپ, «قانداي كومەك كەرەك؟» دەپ سۇراپ جاتادى. جاعدايىمىزدى كورىپ كەتەدى. بىراق قايتا اينالىپ كەلمەيدى», دەيدى قامكوڭىل انا.
قازىر قارجى مەن جۇمىس كۇشىنىڭ ازدىعىنان قۇرىلىس باياۋ ءجۇرىپ جاتىر. بىراق تىم قۇرىعاندا ءۇيدىڭ نەگىزگى بولىگى بىتسە, 6 بالا كيىز ۇيدە قىستامايدى...
كيىز ءۇيدىڭ ءىشى
قۇرىلىستىڭ باسى-قاسىندا بولۋ ءۇشىن راۋشان اپايدىڭ ۇلكەن ۇلى جۇمىسىنان شىققان. وتباسى كەز كەلگەن قارجىلاي نەمەسە ماتەريالدىق كومەكتى قۋانا قابىل الادى. كومەك بەرەمىن دەۋشىلەر بولسا, رەداكتسيامىزعا حابارلاسساڭىزدار بولادى. ءبىزدىڭ بايلانىس ءنومىرىمىز: 8 (7172) 376527 (150). كيىم-كەشەك تۇرىندە كومەك بەرەمىن دەۋشىلەرگە بالالاردىڭ جاسىن كورسەتكەندى ءجون كوردىك:
|
بالاسى |
جاسى |
|
ۇل |
22 |
|
قىز |
20 |
|
قىز |
13 |
|
ۇل |
12 |
|
قىز |
4 |
|
ۇل |
1,5 |
كيىز ءۇيدىڭ ءىشى
گۇلنۇر قۋانىشبەكقىزى,
«ەگەمەن قازاقستان»
سۋرەتتەردى تۇسىرگەن ەرلان ومار,
«ەگەمەن قازاقستان»
