ايتا كەتۋ كەرەك, قوستانايلىق پوليتسەيلەردىڭ «دينامو» كوكپارشىلار كومانداسى وبلىستىق ىشكى ىستەر دەپارتامەنتىنىڭ باستىعى, پوليتسيا گەنەرال-مايورى بەكەت ايماعامبەتوۆتىڭ باستاماسىمەن وسىدان ءۇش اي بۇرىن قۇرىلعان بولاتىن. بەكەت يمان ۇلىنىڭ پىكىرىنشە, كوكپار جاستار بويىندا باتىلدىقتى, ەپتىلىكتى قالىپتاستىرادى, سونداي-اق, ويىننىڭ ۇجىمدىق سيپاتى ءتارتىپ ساقشىلارىنا كۇندەلىكتى قىزمەتتە دە قاجەت بولادى.
كوكپار ماۋسىمىنىڭ جابىلۋ ءتۋرنيرى ويىنىنا وبلىستاعى سارىكول, تاران اۋداندارىنىڭ قۇرامالارى مەن «دينامو» كوماندالارى قاتىستى. تۋرنير قوستاناي اۋدانىنداعى «ارعىماق» يپپودرومىندا ءوتتى. ءتۋرنيردى الدىمەن «دينامو» جانە سارىكول اۋدانى كوماندالارى اشتى. جىگىتتەر جاۋعان جاڭبىرعا دا قاراماي قىزىقتى ويىن وتكىزدى. ويىندا «دينامو» كومانداسى بۇل ويىندى جاقسى مەڭگەرگەن كوماندا كاپيتانى, ۋچاسكەلىك ينسپەكتور باقداۋلەت اسانوۆتىڭ بىلىكتى قيمىلى ارقاسىندا جەتىستىككە جەتتى دەۋگە بولادى. ول ويىن قورىتىندىسىندا ۇزدىك ويىنشى اتاندى.
ءنازيرا جارىمبەت,
«ەگەمەن قازاقستان»
قوستاناي
