وسىعان وراي وڭتۇستىك قازاقستان وبلىسى اكىمىنىڭ ورىنباسارى ۇلاسبەك سادىبەكوۆ بايقاۋ قوناقتارى مەن قازىلار القاسى مۇشەلەرىمەن كەزدەسىپ مەرەكەمەن قۇتتىقتادى.
وبلىس اكىمىنىڭ ورىنباسارى بايقاۋدىڭ مەرەيتويىنا وراي قازىلار القاسىنىڭ تۇراقتى ءتورايىمى گالينا پرەوبراجەنسكاياعا «وڭتۇستىك قازاقستان وبلىسىنا سىڭىرگەن ەڭبەگى ءۇشىن» مەدالىن سالتاناتتى تۇردە تابىس ەتتى.
- ونەر قاشاندا ءوزىنىڭ قۇدىرەتى مەن كيەلىلىگىمەن ەرەكشەلەنەدى. ۇلى ونەردى جانداندىرىپ كەلە جاتقان رومانس ورىنداۋشىلارىنىڭ اشىق بايقاۋىن وتكىزۋ سوناۋ 1997 جىلى قولعا الىنعان بولاتىن. وسى جىلدار اراسىندا تالاي تالانتتاردىڭ توماعاسىن سىپىرعان بايقاۋ 2003 جىلدان باستاپ حالىقارالىق كونكۋرس مارتەبەسىنە يە بولدى. وسىنىڭ ءوزى بايقاۋدىڭ جوعارى دەڭگەيدە ۇيىمداستىرىلىپ, ەلدىڭ ەرەكشە ىقىلاسىنا بولەنىپ كەلە جاتقانىن ايقىندايدى,- دەدى ۇلاسبەك سادىبەك ۇلى.
كەزدەسۋ بارىسىندا ءسوز العان قوناقتار قازاق رامانسياداسىنىڭ تاريحىنان سىر شەرتىپ, ونەرگە ەرەكشە قولداۋ ءبىلدىرىپ وتىرعان وبلىس اكىمىنە العىستارىن جەتكىزدى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
