«سارىاعاش اۋدانىندا جايىلىم از بولعاندىقتان مال باسىن كوبەيتۋگە مۇمكىندىك از. دەسەك تە, بۇل قيىندىققا قاراماستان قوراسىن مالعا تولتىرىپ, ءسۇت ءوندىرۋ ىسىنە دەن قويعان شارۋاشىلىقتىڭ قايتاپ وڭدەۋ ىسىنە دەم بەرىپ وتىرعانى قۋانتادى. وسى رەتتە اۋدان باسشىلىعى شارۋالارعا مەملەكەت تاراپىنان كورسەتىلەتىن بارلىق جەڭىلدىكتەردى دەر كەزىندە كورسەتۋى قاجەت», - دەدى جانسەيىت قانسەيىت ۇلى.
بۇگىندە سەرىكتەستىك قوراسىندا 2642 باس مال باسى بار. ونىڭ 595-ءى ءىرى قارا بولسا, 2047-ءسى ۋاق مال. قوجالىق باسشىسى الداعى ۋاقىتتا مال باسىن كوبەيتىپ, ءسۇت ءونىم تۇرلەرىن كوپتەپ وندىرۋگە دەن قويماقشى.
«بۇگىندە سەرىكتەستىك يەلىگىندە 1592 گەكتار جەر بار. جايىلىم تارشىلىعى ازىرگە سەزىلىپ وتىرعان جوق. جۋىردا ءبىز زاماناۋي سوڭعى ۇلگىدەگى وزىق تەحنولوگيالاردى ورناتۋدىڭ ارقاسىندا ءسۇت جانە ءسۇت ونىمدەرىن ساپالى ەتىپ وندىرۋگە قول جەتكىزىپ وتىرمىز», - دەيدى قوجالىق ءتورايىمى شاركۇل باگازيەۆا.
وزىق تەحنولگيانى كەڭىنەن قولدانا باستاعان سەرىكتەستىكتە جىلىنا 720 توننا شاماسىندا ءسۇت ونىمدەرىن دايىندايدى. سەرىكتەستىك بۇگىندە 20 ادامدى تۇراقتى جۇمىسپەن قامتىپ وتىر.
وبلىس اكىمى ارالاعان كورگەن كەلەسى نىسان – «بازا - Servis» جشس-ءنىڭ 2,5 گەكتار اۋماقتا ورنالاسقان اۋىلشارۋاشىلىق ونىمدەرىن ساقتاۋ قويماسى مەن كوكونىس ونىمدەرىن كونسەرۆىلەۋ تسەحى بولدى. جالپى قۇنى 1 ملرد 200 ملن تەڭگەنىڭ قۇرايتىن قويماعا سەرىكتەستىك 900 ملن تەڭگەنى جەكە قاراجاتى ەسەبىنەن شىعارسا, 300 ملن تەڭگەنى نەسيە الۋ نەگىزىندە جۇزەگە اسىرىپتى. قويمانىڭ سىيىمدىلىعى 10 مىڭ توننانى قۇرايدى. كاسىپورىننىڭ كونسەرۆىلەۋ تسەحى ايىنا 60 مىڭ شىنى ىدىسقا ءونىم جابۋعا قاۋقارلى. سەرىكتەستىكتە بۇگىندە 20 ادام تۇراقتى جۇمىسپەن قامتىلعان.
