«تۇرعىنداردىڭ كابينەتتەن كابينەتكە جۇگىرىپ, سەندەلمەي-اق, ء«بىر تەرەزە» ۇستانىمىمەن ءبىر جەردەن قۇقىقتىق قىزمەت كومەگىنە جۇگىنۋىنە مۇمكىندىك تۋدى. كەلۋشىلەرگە نوتاريۋس, ادۆوكات, مەدياتور, سالىق سالاسى قىزمەتكەرلەرىنىڭ, پسيحولوگ مامانداردىڭ كومەگى كورسەتىلەدى. بۇل ازاماتتاردىڭ مەملەكەتتىك جانە قۇقىق قورعاۋ ورگاندارىنا سەنىمىن ارتتىرۋ بولىپ تابىلادى. بۇدان بىلاي قىلمىستىق پروتسەستەردى ەلەكتروندىق تسيفرلاندىرۋ جۇرگىزىلەدى دە, ازاماتتار وسى ارادان-اق كومەك الا الاتىن بولادى, – دەدى مارات مۇرات ۇلى.
وبلىس اكىمى ارحيمەد مۇحامبەتوۆ جاڭا ورتالىقتىڭ قۇقىق قورعاۋ قىزمەتىنىڭ بارلىق سالاسى بويىنشا تۇرعىندارعا كومەگى زور بولاتىنىنا سەنىمدى ەكەنىن ايتتى. ورتالىقتىڭ اشىلۋىنا وبلىستىق اكىميات زور قولداۋ ءبىلدىردى, عيماراتتى جوندەپ, جابدىقتاۋعا 13 ميلليون تەڭگە قارجى جۇمسالدى. بۇل ورتالىق تۇرعىنداردىڭ قۇقىق قورعاۋ سالاسىنا, جەرگىلىكتى اتقارۋ بيلىگىنە سەنىمىن ارتتىرادى. سونداي-اق ءوڭىر باسشىسى مۇنداي ورتالىقتار وبلىستىڭ باسقا دا اۋدان-قالالارىندا اشىلاتىنىنان حاباردار ەتتى.
ورتالىق ەلەكتروندى كەزەك جۇيەسىمەن قامتاماسىز ەتىلگەن. ال ۋاقىت جوعالتپاۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى ۇسىناتىن ەلەكتروندى فورماتتاعى قىزمەت الۋعا مۇمكىندىك بار. كەزەكشى پروكۋرورلار اۋماقتىق بولىمشەلەر مەن باسقا دا وكىلەتتى ورگانداردان نەگىزگى قاجەتتى اقپاراتتاردى جەدەل الۋعا ورتالىقتا مۇمكىندىك جاسالعان. وبلىس پروكۋرورىنىڭ ءبىرىنشى ورىنباسارى مارات ابىشەۆتىڭ ايتۋىنشا, بۇل رەسپۋبليكاداعى قۇقىق قورعاۋ قىزمەتىن كورەسەتەتىن ءتورتىنشى ورتالىق بولىپ تابىلادى. ال الداعى ۋاقىتتا تاياۋ ارادا مۇندا ەلىمىزدە ءبىرىنشى رەت ونلاين-رەجيم ىسكە قوسىلاتىن بولادى. ورتالىقتا سەگىز كابينەت كەلۋشىلەرگە ءتۇرلى قۇقىقتىق قىزمەت كورسەتەدى.
قۇقىق قورعاۋ قىزمەتتەرى ورتالىعى قوستاناي قالاسىنىڭ تولستوي كوشەسىندەگى 57 ءۇي, ياعني قالالىق پروكۋراتۋرانىڭ عيماراتىندا ورنالاسقان.
ءنازيرا جارىمبەت,
«ەگەمەن قازاقستان»
قوستاناي
سۋرەتتەردى تۇسىرگەن باعدات احمەتبەكوۆ.
