ەكەۋى ەكى بولەك ءسوز سويلەپ, ءبىر دە ءبىر رەت ترامپتىڭ اتىن اتامادى. وزىنە دەيىنگى ەكى پرەزيدەنتتى سىناعان اقش-تىڭ قازىرگى پرەزيدەنتى وسى جاعدايعا بايلانىستى ازىرگە مالىمدەمە جاسامادى.
جازىلماعان زاڭ بويىنشا ەكس-پرەزيدەنتتەر وزدەرىنىڭ ورنىنا كەلگەندەر تۋرالى كوممەنتاري بەرۋدەن باس تارتادى. الايدا وبامانىڭ ايتۋىنشا ونىڭ ءداستۇرلى ءۇن قاتۋىن توقتاتۋعا بىرنەشە سەبەپتەر بولدى. ولاردىڭ قاتارىندا ترامپتىڭ «وباماكەير» باعدارلاماسىن توقتاتۋى, مۇسىلماندارعا ەلگە كىرۋگە شەكتەۋ قويۋى مەن پاريج كەلىسىمىنەن باس تارتۋى تۋرالى مالىمدەمەلەرى بار.
نيۋ-دجەرسي شتاتىنداعى دەموكراتيالىق شارادا ءسوز سويلەگەن باراك وباما «امەريكالىقتار ءبولىنۋ مەن قورقىتۋ ساياساتىن قولدامايتىندىعىن الەمگە ايتۋ كەرەك» دەدى. ء«بىز وسىدان جۇزدەگەن جىلدار بۇرىن بولعان كوزقاراستى ۇستانباۋىمىز كەرەك. ءبىز ءححى عاسىردامىز!» دەدى ەكس-پرەزيدەنت.
ال نيۋ-يوركتە ءسوز سويلەگەن دجوردج بۋش «باسسىزدىق بەلەڭ العان زاماندا ءومىر ءسۇرىپ جاتىرمىز. ءبىزدى بىرىكتىرۋگە ءتيىس كۇش, ءبىزدى ارازداستىرىپ جاتىرعانداي» دەدى.
دونالد ترامپ بيلىككە كەلگەلى باق وكىلدەرىن تەك جاعىمسىز جاڭالىقتار تاراتۋعا اۋەس دەپ ايتادى. ونىڭ پىكىرىنشە, مەديا پرەزيدەنتتىڭ جەتىستىكتەرى تۋرالى ءتىس جارماي, جالعان اقپارات تاراتۋدا.
