نۇرلان نوعاەۆتىڭ ايتۋىنشا, «ەكسپو-2017» حالىقارالىق كورمەسىنە اتىراۋ وبلىسىنان 82 902 ادام بارعان. بۇل - رەسپۋبليكا بويىنشا جوعارى كورسەتكىش.
اتىراۋ وبلىسى اكىمى ايماقتا «جاسىل ەنەرگيا» تەحنولوگياسى بويىنشا جالپى سوماسى 140,218 ملرد تەڭگەنىڭ 5 جوباسى جۇزەگە اسىرىلىپ جاتقانىن ايتتى. ولاردىڭ ءبارى دە ەكسپو-2017 حالىقارالىق كورمەسىندە نازارعا ۇسىنىلدى.
نۇرلان نوعاەۆ, سونداي-اق, مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان مىندەتتەر بويىنشا ايماقتا 1,6 ملرد تەڭگەگە 106 جوبا جۇزەگە اسىرىلاتىنىنان حابارلادى. ونىڭ 1,088 ملرد تەڭگەسى – كاسىپكەرلەردىڭ دەمەۋشىلىك قاراجاتى.
