19 قازاندا قاراعاندى قالاسىندا قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى بەرىك يماشەۆتىڭ قاتىسۋىمەن وسى جىلدىڭ 29 قازانىندا تاعايىندالعان شىعىپ قالعانداردىڭ ورنىنا ءماسليحات دەپۋتاتتارىن سايلاۋدى دايىنداۋ جانە وتكىزۋ تۋرالى كەڭەس ءوتتى.
ءىس-شاراعا قاراعاندى وبلىسىنىڭ اكىمى ە.قوشانوۆ, بارلىق دەڭگەيدەگى سايلاۋ كوميسسيالارىنىڭ مۇشەلەرى, اكىم اپپاراتىنىڭ قىزمەتكەرلەرى, قاراعاندى وبلىسىنىڭ وزگە دە مەملەكەتتىك ورگاندارىنىڭ قىزمەتكەرلەرى مەن ءماسليحات حاتشىلارى قاتىستى.
كەڭەس بارىسىندا شىعىپ قالعانداردىڭ ورنىنا ءماسليحاتتار دەپۋتاتتارىن سايلاۋىن وتكىزۋگە دايىندىق, سايلاۋشىلار تىزىمدەرىن قۇرۋ بويىنشا جۇمىستاردى جەتىلدىرۋ, سايلاۋ پروتسەسىنە قاتىسۋشىلاردىڭ ەلەكتوراتتىق مادەنيەتىن ارتتىرۋ ماسەلەلەرى تالقىلاندى.
قر وسك توراعاسى ب. يماشەۆ اۋماقتىق جانە ۋچاسكەلىك كوميسسيالار – بۇل سايلاۋ جۇيەسىنىڭ نەگىزگى قۇرامداس بولىگى, سايلاۋ تۋرالى زاڭنامانىڭ ورىندالۋى, ونىڭ بىرىڭعاي قولدانىلۋى وسىلارمەن قامتاماسىز ەتىلەتىنىن اتاپ ءوتتى.
بەرىك يماشەۆ: «ورتالىق سايلاۋ كوميسسياسى سايلاۋ كوميسسيالارىنىڭ مۇشەلەرىن كاسىبي دايارلاۋعا, قولدانىستاعى سايلاۋ زاڭناماسىنىڭ بارلىق پروتسەستەرىن قاتاڭ ساقتاۋعا ەرەكشە نازار اۋدارادى. بۇل ءۇشىن وسك ايماقتاعى بار ماسەلەلەردى جان-جاقتى تالقىلاۋ ءۇشىن اۋماقتاردا كەزدەسۋلەر وتكىزۋدى جوسپارلاپ وتىر» - دەدى.
ورتالىق سايلاۋ كوميسسياسىنىڭ توراعاسى وتىرىسقا قاتىسۋشىلاردى وسك قىزمەتىنىڭ ەلەكتوراتتىقارالىق كەزەڭدەگى نەگىزگى باعىتتارى: قازاقستاننىڭ سايلاۋ جۇيەسىندەگى زاڭنامالىق نەگىزدى جەتىلدىرۋ, حالىقارالىق ىنتىماقتاستىقتى دامىتۋ, سايلاۋ كوميسسيالارىنىڭ مۇشەلەرىن كاسىبيلەندىرۋ جانە سايلاۋ پروتسەستەرىن تسيفرلاندىرۋ تۋرالى حاباردار ەتتى.
بەرىك يماشەۆ سوڭعى جىلدارى قازاقستان رەسپۋبليكاسىنىڭ ورتالىق سايلاۋ كوميسسياسى سايلاۋ زاڭناماسىن باقىلاۋ اياسىندا تياناقتى جۇمىس جۇرگىزىپ وتىرعانىن اتاپ ءوتتى.
سونداي-اق كەڭەس بارىسىندا, 2017 جىلعى قاراعاندى وبلىسىنىڭ سايلاۋ كوميسسيالارىنىڭ قىزمەتى تۋرالى, ايماقتان شىعىپ قالعانداردىڭ ورنىنا ءماسليحاتتار دەپۋتاتتارىنىڭ اعىمداعى ناۋقانى, پىكىر الماسۋلار وتكىزىلدى, سايلاۋدى ۇيىمداستىرۋشىلاردىڭ بىرلەسكەن جۇمىسىن ودان ءارى جەتىلدىرۋ جونىندەگى مىندەتتەر مەن باعىتتار قاراستىرىلدى.
ورتالىق سايلاۋ كوميسسياسىنىڭ توراعاسى سايلاۋ كوميسسيالارىنىڭ مۇشەلەرىن تۇراقتى نەگىزدە وقىتۋ ءۇشىن جەرگىلىكتى بيۋدجەتتەن قاراجات ءبولۋ قاجەتتىگىنە, سونداي-اق باسقا ەلدەردەگى سايلاۋدى بايقاۋ ميسسيالارىن قوسا العاندا, حالىقارالىق ءىس-شارالارعا ايماقتىڭ وكىلدەرىنىڭ قاتىسۋىن ارتتىرۋعا نازار اۋداردى.
وبلىس اكىمى كەڭەستىڭ قورىتىندىسى بويىنشا بارلىق ۇسىنىستاردى نازارعا الاتىندىعىن اتاپ ءوتتى.
