قۇرمەتتى نۇرسۇلتان ءابىش ۇلى! «قازاقستاننىڭ ورىس, سلاۆيان جانە كازاك ۇيىمدارىنىڭ قاۋىمداستىعى» زاڭدى تۇلعالار بىرلەستىگى رەسپۋبليكالىق كەڭەسىنىڭ 2017 جىلعى 26 قىركۇيەكتە وتكەن وتىرىسىندا ەتنومادەني بىرلەسۋ, قازاق ءتىلىنىڭ لاتىن الىپپەسىنە كوشۋ ماسەلەلەرى تالقىلاندى.
بۇل ۇدەرىس ەشبىر ەتنومادەني بىرلەستىكتى بەي-جاي قالدىرعان جوق. ءبىز الدا تۇرعان مىندەتتىڭ قيىندىعىن, ەرىك-جىگەردىڭ, شىدامنىڭ قاجەتتىگىن, ەلدە تۇراقتى جانە سەنىمدى قوعامدىق, الەۋمەتتىك جانە ساياسي احۋال قالىپتاستىرۋدىڭ ماڭىزدىلىعىن جاقسى تۇسىنەمىز.
نۇرسۇلتان ءابىش ۇلى, «قازاقستانداعى ورىس, سلاۆيان جانە كازاك ۇيىمدارىنىڭ قاۋىمداستىعى» ادەتتەگىدەي ءبىزدىڭ قوعامدا بەيبىتشىلىك پەن كەلىسىم ورناتۋ بارىسىندا سىزگە تولىق قولداۋ كورسەتەتىنىنە سەنىمدى بولىڭىز. ءسىزدىڭ لاتىنعا كوشۋ جونىندەگى باستاماڭىزدى ءبارىمىز قولدايمىز.
جۇزدەگەن ەتنوستاردىڭ مادەنيەتىن, ءداستۇرىن جانە كۇندەلىكتى ءومىر سالتىن ەنگىزۋ مەن ءبىر-ءبىرىن تولىقتىرۋى قازاقستاندىقتاردىڭ قايتالانباس رۋحاني بايلىعىنا قول جەتكىزۋگە, ەتنوسارالىق بىرەگەي مادەنيەتتى قالىپتاستىرۋعا ەلباسىمەن بىرگە ۇدەمەلى دامۋعا مۇمكىندىك بەردى. بۇل تاۋەلسىزدىك جىلدارىنداعى قازاقستاننىڭ بارشا جەتىستىگىن انىقتاپ, ءۇشىنشى جاڭعىرتۋ تاپسىرمالارىن ءتيىمدى شەشۋدىڭ ىرگەتاسىنا اينالدى.
لاتىنعا كوشۋ قازاق ءتىلىنىڭ باسەكەگە قابىلەتتىلىگىن ارتتىرىپ, جاڭعىرتۋ ونىڭ بارشا مۇمكىندىگىن بايلانىس قۇرالى عانا ەمەس, رۋحاني جاڭعىرۋ بارىسىندا ۇلتتىق بىرەگەيلىكتى كۇشەيتۋگە وڭتايلى پايدالانۋعا جاعداي جاسايدى.
ءسىزدىڭ باستاماڭىز قازاقستاندىقتاردىڭ ورىس تىلىنەن باس تارتۋىن بىلدىرمەيدى. ورىس ءتىلى قازاق تىلىمەن بىرگە رەسمي قولدانىستا قالا بەرمەك. ونىڭ جان-جاقتىلىعى مادەنيەت پەن وركەنيەتتى جاقىنداستىراتىن مادەنيەتارالىق ديالوگ قالىپتاستىرادى.
بارشا قازاقستاندىق ەتنوستاردىڭ مىندەتى لاتىن الىپبيىنە كوشۋ ۇدەرىسىنە ىلەسۋ ءۇشىن, ونى بەكىتكەن كۇننەن باستاپ مەملەكەتتىك ءتىلدى جەدەل مەڭگەرۋ دەپ ەسەپتەيمىز.
ءبىزدىڭ كوزقاراسىمىز وسى. بۇل – ءبىزدىڭ اينىماس پىكىرىمىز. بۇل – ءبىزدىڭ باعىتىمىز. وسى ورايداعى جۇمىستاردى «قازاقستاننىڭ ورىس, سلاۆيان جانە كازاك ۇيىمدارىنىڭ قاۋىمداستىعى» زاڭدى تۇلعالار بىرلەستىگىنىڭ رەسپۋبليكالىق كەڭەسى بۇكىل دەڭگەيلەرىندە, ەلىمىزدىڭ بارشا اۋداندارىندا جانە عىلىمي-تاجىريبەلىك قاۋىمداستىقتاردا جۇرگىزەمىز.
ءبىز قوعامدىق كەلىسىمدى ساقتاۋ جانە كۇشەيتۋ ماقساتىندا قولىمىزدان كەلگەننىڭ ءبارىن جاسايمىز.
نۇرسۇلتان ءابىش ۇلى, سىزگە دەنساۋلىق, تابىس جانە ماڭگىلىك ەلدىڭ ءبىرتۇتاس ۇلتى بولۋ جولىندا بۇكىل جاقسىلىقتى تىلەيمىز.
«قازاقستاننىڭ ورىس, سلاۆيان جانە كازاك ۇيىمدارىنىڭ قاۋىمداستىعى» زاڭدى تۇلعالار بىرلەستىگى اتىنان ۆلاديمير بوجكو
