جۋنيور كابانانگانىڭ گول سوققان ءساتى. سۋرەت: Vesti.kz
العاشقى تايمدا «استانا» وتە شيراقى, ءارى بەلسەندى ويناپ, قارسىلاسىنا توقتاۋسىز قىسىم كورسەتۋمەن بولدى. وسى ويىن ونەرى ەلوردا ويىنشىلارىنا 33 مينۋتتا پەنالتي اكەلىپ, ونى ورىنداعان پاتريك تۆۋماسي ويىننىڭ العاشقى گولىن سوقتى. ۇزىلىسكە دەيىن سول ءتۆۋماسيدىڭ ءوزى شومكونىڭ پاسىنان سوڭ ەسەپتى 2:0 جەتكىزدى.
«استانا» ەكىنشى تايمدا دا سول مانەردى قايتالاپ, بەلسەندى ويناۋدى توقتاتپادى. ناتيجەسىندە, 47 مينۋتتا جۋنيور كابانانگا ويىننىڭ ءۇشىنشى گولىن سوقتى. كونگو قۇراماسىنىڭ شابۋىلشىسى 52 مينۋتتا دۋبل جاساپ, ەسەپتى 4:0 قىلدى.
ويىننىڭ قالعان ۋاقىتىندا «استانادا» الاڭداعى دوپتى ءوز باقىلاۋىندا ۇستاپ, ەسەپتى ساقتاپ قالا الدى.
بۇل - «استانا» ءۇشىن ەۋروپا ليگاسىنىڭ توپتىق كەزەڭىندەگى العاشقى جەڭىس. وسىلايشا قازاقستاندىق كلۋب 4 ۇپايمەن «ا» توبىندا ۋاقىتشا بولسا دا ءبىرىنشى ورىنعا شىقتى. ال «ماككابيدە» بۇرىنعىشا ءبىر ۇپاي.
