وعان وبلىس اكىمى ەرالى توعجانوۆ, «قتج» ۇك» اق باسشىلىعى, ازەربايجان كەمە قاتىناسى كومپانياسىنىڭ وكىلى جانە قۇرىق پورتىنىڭ قىزمەتكەرلەرى جانە مىڭنان اسا بەلسەندى جاس قاتىستى. جيىندا ءسوز العان ەرالى توعجانوۆ: «بىلتىرعى جىلى يندۋستريالاندىرۋ باعدارلاماسى اياسىندا ەلباسىمىز ءوزى ىسكە قوسقان ايلاقتان وتكىزىلەتىن جۇكتىڭ كولەمى بۇگىن ميلليون تونناعا جەتتى. بۇل كورسەتكىش الداعى جىلدارى ەكى ەسەگە وسەتىن بولادى. جىل سايىن جۇك اعىنىنىڭ ارتۋىنا بايلانىستى كاسپي ءوڭىرى ايلاعىنىڭ الەۋەتىن قارقىندى تۇردە دامىتۋدا. بۇگىنگى پورت - كەشەگى جىبەك جولىنىڭ ستراتەگيالىق جالعاسى. قازاقستاننىڭ ترانزيتتىك جانە ەكسپورتتىق الەۋەتىن كوتەرىپ, كولىك-لوگيستيكالىق جانە يندۋستريالىق ينفراقۇرىلىمىن العا جەتەلەيتىن نەگىزگى كۇشكە اينالماق» - دەدى
سالتاناتتى شارادا قۇرىق پورتىنىڭ باس ديرەكتورى م. ساقتاعانوۆ مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان قازاقستاننىڭ كاسپي تەڭىزىندەگى پورتتاردى كەڭەيتۋ, ەلىمىزدىڭ كولىك-لوگيستيكالىق الەۋەتىن دامىتۋدىڭ شارالارىنا توقتالدى. رەسمي مالىمەتتەر بويىنشا, پورتتاعى ءبىر ميلليون توننا جۇكتىڭ 548 مىڭ تونناسى ەكسپورتقا شىعارىلدى. يمپورتتىق جۇكتەر 452 مىڭ توننانى قۇراپ وتىر. تاعى ءبىر ءتيىمدى تۇسى اتالمىش ينفراقۇرىلىمدار تەڭىز ماڭىنداعى قوزعالىستى ءتورت ساعاتقا جەدەلدەتەدى. ماسەلەن, باكۋ مەن قۇرىق اراسىنداعى پاروممەن ءجۇرۋ ۋاقىتى 18 ساعاتتى قۇرايدى. ال, اقتاۋدان باكۋگە 22 ساعات جىبەرەدى.
ەكى تەمىرجول ايلاعىنىڭ پايدالانۋعا بەرىلۋى ارقىلى تاۋلىگىنە بەس پارومعا قىزمەت كورسەتىپ, ول ارقىلى جىلىنا 4 ميلليون توننا جۇكتى وڭدەۋدەن وتكىزەدى. ايلاقتاعى اۆتوكولىك پارومىمەن قىزمەت كورسەتۋدى پايدالانۋعا بەرۋ جىلىنا 6 ميلليون تونناعا دەيىن جۇك وتكىزۋگە مۇمكىندىك بەرەدى.
