ءƏربىر دامىعان, زايىرلى مەملەكەتتىڭ دامۋ دەڭگەيى حالقىنىڭ ءومىر ءسۇرۋ دەڭگەيىنە بايلانىستى سارالاناتىنى ءسوزسىز. مەملەكەت بۇل ورايدا جۇرگىزىلەتىن جۇمىستاردى مىندەتى ايقىندالعان ماقسات ەتىپ قويىپ وتىر. ماسەلەن, استانا قالاسى اكىمدىگىنىڭ قاۋلىسىمەن قۇرىلعان «الەۋمەتتىك قىزمەت كورسەتۋ ورتالىعى» مكقك 2016 جىلدىڭ 1 ساۋىرىنەن باستاپ استانا قالاسىنىڭ الماتى, سارىارقا, ەسىل اۋداندارىنىڭ əكىمدىكتەرىنەن ەنشىسىن الىپ, ءوز الدىنا جەكە مەملەكەتتىك مەكەمە رەتىندە قىزمەت اتقارىپ كەلەدى.
Əلەۋمەتتىك قىزمەت كورسەتۋ ورتالىعىنىڭ قۇرامىنداعى 10 بولىمشەنىڭ 5-ەۋى ومىرلىك قيىن جاعدايعا دۋشار بولعان جاندارعا (جالعىزباستى قارتتار مەن مۇگەدەكتەرگە) بارىنشا جاعداي جاساۋ باعىتىندا جۇمىس جاسايدى. بولىمشەلەر تىركەۋدەگى 400 قىزمەت الۋشىعا ارقا سۇيەر دەمەۋشى بولىپ, كەيبىرى وتباسىنىڭ ءبىر مۇشەسىندەي دارەجەگە جەتسە, ەندى ءبىر قىزمەت الۋشىلار قالاۋى بويىنشا ورتالىقتىڭ ونشاقتى ماماندارىنىڭ ارقاسىندا گيدروتەراپيا, فيزيو ەم-شارالارى, ماسساج, ەمدىك دەنە شىنىقتىرۋ تاعى سول سياقتى كوپتەگەن وڭالتۋ شارالارىن قابىلداپ, دەرتتەرىنە شيپا تابۋدا.
ورتالىقتىڭ əلەۋمەتتىك قىزمەتكەرلەرى قىزمەت الۋشىلاردىڭ əرقايسىسىمەن جەكەلەي قارىم-قاتىناس ورناتىپ, ولاردىڭ تالاپ-تىلەكتەرىن تىڭداپ, مەيلىنشە تولىققاندى ءومىر ءسۇرۋ سالتىن جەڭىلدەتۋگە كۇش سالۋدا. ولاردىڭ ىشىندە جالعىزباستى زەينەتكەرلەر, سوعىس ارداگەرلەرى, سوعىس ارداگەرلەرىنىڭ جەسىرلەرى, تىل ەڭبەككەرلەرى مەن ءوز ۋاقىتىندا تىڭ جانە تىڭايعان جەرلەردى يگەرۋگە اتسالىسقان قارتتار دا بار. وسىنداي ءار الۋان تاعدىرلارى توعىسقان قارتتاردىڭ قۇلازىعان كوڭىل كۇيىن جادىراتىپ, ماعىناعا تولتىرۋ ماقساتىندا «الەۋمەتتىك قىزمەت كورسەتۋ ورتالىعى» مادەني شارالار ۇيىمداستىرۋعا اسا ءمان بەرەدى. مىسالى, قالالىق ساياباقتار, مۇراجايلار جانە قالانىڭ كورىكتى جەرلەرىنە, قالادان تىس بۋراباي دەمالىس اۋماعىنا ساياحاتتار, مەرەكەلەرگە وراي ۇيىمداستىرىلاتىن كونتسەرتتەر, تسيرك جانە تاعى سول ءتارىزدى شارالار ورتالىقتىڭ سالتىنا اينالىپ وتىر.
الەۋمەتتىك قىزمەت كورسەتۋ ورتالىعى اتاۋلى مەرەكەلەر – ناۋرىز مەيرامى, استانا كۇنى, جەڭىس كۇنى, قارتتار كۇنى, جاڭا جىل قارساڭىندا جانە ەكسپو-2017 كورمەسى اياسىندا ءار قىزمەت الۋشىنىڭ مەرەكەنى سەزىنۋى ءۇشىن ىلتيپاتپەن جەكە سىيلىقتار تابىستادى.
ەل بولىپ ەڭسە تۇزەگەننەن بەرى ەلىمىزدە قانشاما رەت الەمدىك دەڭگەيدەگى شارالار ءوتتى. تۇراقتى تاۋەلسىزدىگىمىزدىڭ ارقاسىندا الەم ەلدەرى قازاقستاندى كەڭ-بايتاق ەل رەتىندە تاني باستادى. وسى جىلدارداعى اسقاقتاعان ابىروي-بەدەلىمىز ارقىلى بىزگە «EXPO-2017» سياقتى حالىقارالىق كورمە وتكىزۋگە قولىمىزدى جەتكىزدى. اتالعان ناۋقانعا «كوپپەن كورگەن ۇلى توي» دەمەكشى, استانا قالاسى بويىنشا «الەۋمەتتىك قىزمەت كورسەتۋ ورتالىعىنىڭ» قىزمەت الۋشىلارى دا قاتىسىپ, قالا تورىندە ءوتىپ جاتقان تاڭعاجايىپ كورمەنىڭ كوڭىلدى كورەرمەندەرىنىڭ بىرىنە اينالدى.
سونىمەن قاتار ورتالىقتا قىزمەت الۋشىلاردان قۇرالعان «نوستالگيا» ۆوكالدىق توبى جۇمىس اتقارۋدا. توپتىڭ كوركەمدىك جەتەكشىسى تەبەرەكوۆ جەكەن. ونەرپازدارىمىز قالا دەڭگەيىندە ءوتىپ جاتقان مادەني ءىس-شارالارعا بەلسەنە ات سالىسادى.
الەۋمەتتىك قىزمەت كورسەتۋ ورتالىعىنىڭ قازاقستان رەسپۋبليكاسى بويىنشا سىنامالى جوبا رەتىندە اشىلعان العاشقى مەكەمە ەكەنىن ەسكەرەر بولساق, وسىنداي جۇگى اۋىر كوشتى باستاپ جۇرگەن رىستى جاعىپارقىزىنىڭ ورتالىقتىڭ جۇمىسىنداعى ۇلەسى - وراسان زور, ال جالپى الەۋمەتتىك سالاعا سىڭىرگەن ەڭبەگى ءوز الدىنا جەكە اڭگىمە.
وسى ورايدا, الەۋمەتتىك قىزمەتكەر اتاعىن ابىرويمەن الىپ جۇرگەن, ءوز جۇمىسىنا شىن ىقىلاسپەن كىرىسەتىن الەۋمەتتىك قىزمەتكەرلەردىڭ ەڭبەگىن دە ەرەكشە اتاپ وتۋگە بولادى. ولار ءۇشىن وزگە بىرەۋدىڭ پروبلەماسى دەگەن تۇسىنىك جوق, قينالعان ادام كورسە, قولۇشىن سوزىپ, كوپ سارالاپ جاتپاي, قولىنان كەلگەن كومەگىن ەش ايامايتىن جاندار. الەۋمەتتىك قىزمەتكەرلەردىڭ وسى سالادا تۇراقتاپ قالۋى دا وسى قاسيەتتەرىندە. جالاقىسى ماردىمسىز بولا تۇرا, قىزمەت الۋشىنىڭ بابىن تابۋ ماقساتىندا قالتقىسىز قىزمەت ەتۋ دەنە كۇشىمەن بىرگە پسيحولوگيالىق تاباندىلىقتى اسا قاجەت ەتەدى. بۇل جەردە ادامنىڭ ءدىنى, ءناسىلى, ۇلتى, جاسى, ءبىلىم دەڭگەيى نەمەسە قوعامداعى مارتەبەسى ماڭىزدى ەمەس. تەك قانا كەڭ جۇرەكتى, ادامي بەينەسى ايقىن, وزىنەن گورى وزگەلەرگە بولسىن دەيتىن ادامنىڭ عانا قولىنان كەلەرى انىق. قىزمەتتە بولسىن, جەكە ومىردە, جالپى اينالامىزدا وسىنداي مەيىرىمدى ادامداردىڭ كوپ بولعانى قانداي عانيبەت!
2017 جىلعى قىركۇيەك ايىنىڭ 22 جۇلدىزىندا ەلىمىزدىڭ əر تۇپكىرىندەگى قىزىعى مەن شىجىعى قاتار جۇرەتىن ماماندىقتى ابىرويمەن اتقارىپ كەلە جاتقان əلەۋمەتتىك قىزمەتكەرلەردىڭ العاشقى رەسپۋبليكالىق سەزى ءوتتى. Əلەۋمەتتىك قىزمەتكەرلەر كۇنى قارساڭىنا ورايلاسقان وسىنداي ايتۋلى ءىس - شارانىڭ وتۋىنە بايلانىستى وسى سالانىڭ ماماندارىن, ياعني əرىپتەستەرىمىزدى كاسىبي مەيرامدارىمەن شىن جۇرەكتەن قۇتتىقتايمىز!
اينۇر دىلدەباەۆا,
ء ى جانە ءىى توپتاعى مۇگەدەكتەرگە,
ەگدە جاسىنا بايلانىستى
وزىنە قىزمەت كورسەتۋگە
مۇمكىندىگى جوق ادامدارعا
الەۋمەتتىك كومەك كورسەتەتىن
№1 بولىمشەنىڭ مەڭگەرۋشىسى
