مۇندا بىلىكتى زاڭگەرلەر, ادۆوكاتتار, مەدياتورلار, سوت ورىنداۋشىلارى, نوتاريۋستار, يۋۆەنالدى قىزمەت جانە پروباتسيا قىزمەتكەرلەرى جۇمىس ىستەيتىن بولادى. وتىنىشتەردى پروكۋرورلار دا قابىلدايدى.
ورتالىقتىڭ اشىلۋ سالتاناتىنا اتىراۋ وبلىسىسىنىڭ اكىمى نۇرلان نوعاەۆ قاتىستى. ول ورتالىقتىڭ وبلىس تۇرعىندارى ءۇشىن ماڭىزدىلىعىن اتاپ ءوتىپ, پروكۋراتۋرا ۇجىمىنا الداعى ەڭبەكتە ساتتىلىك تىلەدى. سونداي-اق ءوڭىر باسشىسى ورتالىق وفيسىمەن تانىسىپ, قىزمەتكەرلەرمەن تىلدەستى.
وبلىس پروكۋرورى ەرنات سىبانقۇلوۆتىڭ ايتۋىنشا, بۇرىن ازاماتتارعا ءارتۇرلى قۇرىلىمدارعا بارۋ ءۇشىن قالانىڭ ءبىر شەتىنەن ەكىنشى شەتىنە جۇرۋگە تۋرا كەلگەن, ال ەندى كەرەكتى قۇرىلىمداردىڭ وكىلدەرى ءبىر جەردە ورنالاسادى.
