21 قازان كۇنى مەدەۋ مۇزايدىنى الماتى قالاسى تۇرعىندارى مەن قوناقتارىن كونكي تەبۋ قىسقى ماۋسىمىنىڭ اشىلۋىنا شاقىرادى.
سپورتتىق شارا قۇرمەتىنە كەلۋشىلەردى كونتسەرتتىك باعدارلاما, xاسكيلەرمەن فوتو ايماق جانە ءتۇرلى سايىستار كۇتەدى.باعدارلاما بويىنشا قوناقتار نەگىزگى ساxنادا كىشىگىرىم كونتسەرتتى تاماشالاي الادى. ال كىشكەنتاي بۇلدىرشىندەر xاسكيلەرمەن ەستەلىك سۋرەتكە ءتۇسىپ, انيماتورلار مەن كلوۋندارمەن بىرگە كوڭىل كوتەرە الادى.
مەدەۋ مۇزايدىنىنا بيىل 45 جىل تولىپ وتىر. مۇزايدىن اكىمشىلىگى بۇل ماۋسىمنىڭ ەرەكشە بولاتىنىن اتاپ ءوتتى. سونداي-اق, «سپورتتىق الماتى» قالالىق باعدارلاماسى اياسىندا قالاۋشىلاردى كونكي تەبۋدى تەگىن ۇيرەتۋ, قىسقى فەستيۆالدەر جانە تاعى دا باسقا شارالاردى ۇيىمداستىرۋ جوسپاردا بار ەكەنىن ايتا كەتتى.
