سوندىقتان بۇل ەلدىڭ تاۋارلارىنا سانيتارلىق تەكسەرۋدى كۇشەيتكەن ءجون. ايتپەسە, كورشى ەلدەن اكەلىنگەن زيانكەستەر ەلىمىزدەگى ونىمدەرگە قاۋىپ توندىرەدى. ءوز كەزەگىندە قازاقستانعا بۇل جاعداي ەكونوميكالىق تۇرعىدان زيانىن تيگىزەتىنى بەلگىلى.
كۇشەيتىلگەن فيتوسانيتارلىق باقىلاۋدا 127 جۇك كولىگى تەكسەرىلىپ, 20 كولىكتىك بۇزۋشىلىق بەلگىلى بولدى. قايتارىلعان جالپى ءونىمنىڭ كولەمى – 202 توننا. ءۇش رەت كارانتينگە قويىلعان زياندى جاندىكتەرى بار تاۋارلار تىركەلدى. ماسەلەن, 16 قازاندا جامبىل وبلىسىنداعى قاراسۋ باقىلاۋ بەكەتىندە Volvo 6884 اۆتوكولىگىنە تيەلگەن 20,6 توننا جۇكتەن (قۇرما, انار, ءجۇزىم) «كومستوك» قۇرتتارى تابىلدى.
ءدال وسى كۇنى قوردايدا Mercedes اۆتوكولىگى اكەتىپ بارا جاتقان 2,9 توننا المادا «شىعىس جەمىس جەگىشى» دەپ اتالاتىن زيانكەس بار ەكەنى انىقتالدى. قوردايداعى بارىس بولىمشەسىندە تەكسەرىلگەن 3 توننا جۇزىمنەن اۋرۋ جەمىس شىبىنى شىقتى. تاركىلەنگەن تاۋاردىڭ ءبارى قىرعىزستانعا قايتارىلدى. قىرعىزستان تاراپىنان قازاقستاننىڭ فيتوسانيتارلىق تالاپتارعا ساي كەلمەيتىن جاعدايلار بىرنەشە رەت تىركەلسە, ول جاقتان كەلەتىن ونىمدەرگە شەكتەۋ قويۋعا تۋرا كەلەدى.
باۋىرجان قاليەۆ,
اۋىل شارۋاشىلىعى مينيسترلىگى رەسپۋبليكالىق وسىمدىكتەر كارانتينى ورتالىعى باسشىسىنىڭ ورىنباسارى
