سونىمەن قاتار بيىل قازاقستان شەكارالارىندا 60 مىڭعا جۋىق شەتەلدىك اۆتوكولىك تەكسەرۋدەن ءوتتى. سونىڭ 2,5 مىڭى قۇقىقتىق تالاپتارعا ساي كەلگەن جوق. وسى زاڭ بۇزۋشىلاردىڭ جارتىسىنا جۋىعى قىرعىزستاننان كەلەتىن كولىكتەرگە تيەسىلى. كەيىنگى كەزدە كورشى ەلدەن كەلەتىن كولىكتەردىڭ قۇقىق بۇزۋشىلىعى 60 پايىزعا كوبەيدى. ولار ءۇش ءتۇرلى جاعدايدا زاڭ بۇزادى.
بىرىنشىدەن, قىرعىزستاندىق تاسىمالداۋشىلار قازاقستاننىڭ ىشكى قالالارىندا تاۋار مەن ءونىم تاسىمالداپ, سونىڭ اقىسىن الىپ ءجۇر. مۇنداي قىزمەتتى وتاندىق تاسىمالداۋشىلار جاساۋى ءتيىس بولاتىن. ەكىنشىدەن, قازاقستان اۋماعىنان تاۋار تاسۋ ءۇشىن شەتەلدىكتەرگە ارنايى رۇقسات كەرەك. ال قىرعىزستاندىق تاسىمالداۋشىلاردىڭ كوبىندە ونداي قۇجات جوق. ۇشىنشىدەن, كورشى ەلدەن كەلەتىن كولىك جۇرگىزۋشىلەرى سالماق شەكتەۋىن ءجيى بۇزىپ, ارتىق جۇك الىپ وتۋگە تىرىسادى.
قۋانىش ەرمۇحانوۆ,
ينۆەستيتسيالار جانە دامۋ مينيسترلىگى كولىك كوميتەتىنىڭ احۋالدىق ورتالىعى باسشىسىنىڭ مىندەتىن اتقارۋشى
