ول ءوزىنىڭ اقپارات تاراتۋداعى جاڭا قۇرالدارىن ءار ادامنىڭ قولىنا وڭاي ۇستاتىپ وتىر. تالعامعا تارازى جوق. دەسەك تە ويلى وقىرمانىمىزدىڭ ورمانداي ۇيىسىپ, اعا باسىلىممەن بايلانىسىنا بەرىك بولىپ قالۋى ءبىزدىڭ جاۋاپكەرشىلىگىمىزدى ۇستەي ءتۇستى.
اقپاراتتىق الامانعا ات قوسۋشىلار كوبەيىپ تۇرسا دا, «ەگەمەن قازاقستان» گازەتىنىڭ تارالىمى تۇراقتى. بيىل دا وقىرمان ويىنان شىعىپ, وسى ۇدەدەن تابىلامىز دەگەن سەنىم بار.
باس باسىلىمنىڭ سوڭعى جىل بەدەرىندە جاڭا رەبرەندينگكە اۋىسىپ, زاماناۋي تالاپتارعا ساي جارىق كورە باستاعانى بەلگىلى. ياعني گازەتتىڭ ەۋروپالىق پىشىمدە شىعۋى قوعامدىق كولىكتە دە, ۇشاقتا دا قولعا قولايلى ۇستالۋىنا, ساراپتاۋ مەن سارالاۋعا قۇرىلعان ماتەريالدار مازمۇنىنىڭ بايىتىلۋى تولىق ءارى سەنىمدى اقپارات كوزىن قالىپتاستىرۋعا, جازبالار كولەمىنىڭ ىقشامدالۋى ۋاقىتتى ۇنەمدەۋگە وتە پايدالى ەكەنىن بايقاتتى.
ەلباسى نۇرسۇلتان نازارباەۆ «وتانىمىزدىڭ باس گازەتى» دەپ باعا بەرگەن بايىرعى باسىلىمنىڭ بارلىق وڭىردە مەنشىكتى تىلشىلەرى مەن تىلشىلەر قوسىندارىنىڭ بولۋى قازاقستاننىڭ اقپاراتتىق كەڭىستىگىن تولىق قامتيتىن رۋحاني الەۋەتىن كورسەتەدى. بۇل رەسۋرسقا سوڭعى كەزدە بىرقاتار الىس-جاقىن شەت ەلدەردەن تۇراقتى اۆتورلاردىڭ قوسىلۋى دا جەر-جاھان تىنىسىن كوزبەن كورگەن, قولمەن ۇستاعان جانى بار اقپاراتتارعا قانىقتىرا تۇسپەك.
البەتتە, گازەتتى گازەت كۇيىندە وقىعان ءلازىم. ونىڭ كومپيۋتەر, سمارتفون مەن پلانشەتكە قاراعاندا كوز جانارىنا اسەرى, جادىعا جاتتالۋى ەرەكشە بولاتىنىن ساراپشىلار ءجيى ايتىپ ءجۇر. باس باسىلىم وقىرماندارىنىڭ باسىم بولىگىن مەملەكەتتىك قىزمەتشىلەر, مۇعالىمدەر مەن دارىگەرلەر, الەۋمەتتىك سالا سياقتى بيۋدجەت قىزمەتكەرلەرى مەن باسقا دا سالا ماماندارى قۇرايتىندىقتان, گازەتتىڭ ساياسات پەن ەكونوميكادان تىس الەۋمەت, ءبىلىم مەن عىلىم سالاسىنا ارنالعان ارناۋلى بەتتەرىنە, جوبالارىنا ماڭىز بەرىلىپ وتىر.
ايتالىق, ءبىلىم سالاسى بويىنشا جىل باسىنان بەرى مەكتەپ پەن بالاباقشا قىزمەتكەرلەرىنە ارنالعان ء«تالىم» بەتى, جوعارى ءبىلىم بەرۋ ۇردىسىنە باعىتتالعان ء«بىلىم» بەتى شىعىپ كەلەدى.
بۇل الىستاعى اۋىلدار ءۇشىن جاڭا ءبىلىم جۇيەسىنىڭ جاڭالىقتارى مەن ادىستەمەلەرىنەن حاباردار بولىپ وتىرۋعا جاسالعان مۇمكىندىك رەتىندە باعالانىپ وتىر. ونىمەن شەكتەلمەي, وقۋشىلاردى بيىلعى جاڭا فورماتتاعى ۇلتتىق بىرىڭعاي تەستىلەۋگە دايارلاۋعا گازەتتەن كولەمدى ورىن بەرىلدى.
وسى ىسپەتتى جوبالار ءالى دە جالعاسىن تابادى. بۇل رەتتە رەداكتسيا وزەكتى وقيعالارعا بەي-جاي قارامايتىن وقىرمانمەن تىعىز بايلانىس ورناتۋعا مۇددەلى. باس باسىلىمنىڭ دامۋ تۇجىرىمداماسى دا وسى ماقساتقا نەگىزدەلگەن. بيىلدان باستاپ «ەگەمەن قازاقستان» گازەتىن استانا مەن الماتى قالالارىندا «قازپوشتا» بولىمشەلەرىمەن بىرگە حالىققا قىزمەت كورسەتۋ ورتالىقتارىنان دا ساتىپ الۋعا بولادى. گازەتتى تاراتۋ مەن ساتۋ جەلىلەرىن ودان ءارى كەڭەيتۋ كوزدەلىپ وتىر. مۇنىڭ بارلىعى «ەگەمەندى» ەلگە جاقىنداتۋدىڭ جولى. سوندىقتان جازىلىمنىڭ جاڭا ماۋسىمىنا دا بەلسەنە اتسالىسىڭىزدار, «ەگەمەندى» ەلگە جاقىنداتاتىن ءسىز, مارتەبەلى وقىرمان!
