140,8 مىڭ ازامات جۇكتىلىك پەن بوسانۋعا, بالا اسىراپ الۋعا بايلانىستى الەۋمەتتىك جاردەماقى الدى. مۇنداعى تولەمنىڭ جالپى سوماسى 48 ملرد تەڭگەنى قۇراپ, ورتاشا ەسەپتەگەندە بۇل قارجى ءار ادامعا 333 مىڭ تەڭگەدەن كەلدى.
بالانىڭ ءبىر جاسقا دەيىنگى كۇتىمىنە 53 ملرد تەڭگە قاراستىرىلىپ, اتالعان باعىتتا 350 مىڭنان استام ادام الەۋمەتتىك قولداۋدى يەلەنىپ, تولەمنىڭ ورتاشا دەڭگەيى 24 مىڭ تەڭگەدەن استى.
ەڭبەككە قابىلەتىن جوعالتقان جاندارعا جۇمسالعان 7,4 ملرد تەڭگە جان باسىنا 12 مىڭ تەڭگەدەن ەسەپتەلدى.
اسىراۋشىسىنان ايىرىلعان تاراپتارعا مەملەكەتتىك الەۋمەتتىك ساقتاندىرۋ قورىنان تاعايىندالعان قارجى سوماسى, ورتاشا العاندا, 15 مىڭ تەڭگەدەن بەلگىلەنىپ, اتالمىش الەۋمەتتىك كومەك ءتۇرىن جالپى 5,8 ملرد تەڭگەگە 38 مىڭنان استام قازاقستاندىق ەنشىلەدى. جۇمىسسىز قالعان كەزدەگى الەۋمەتتىك قولداۋمەن ورتاشا دەڭگەيى 18 مىڭ تەڭگەدەن 1,5 ملرد تەڭگە كولەمىندە 26 مىڭ ادام قامتاماسىز ەتىلدى.
ەسكە سالا كەتسەك, ەلىمىزدە مىندەتتى الەۋمەتتىك ساقتاندىرۋ ءادىسى, تاۋەكەل احۋالى تۋىنداعانداعى حالىقتىڭ جۇمىسشى تابىن الەۋمەتتىك قورعاۋدىڭ قوسىمشا تەتىگى رەتىندە ەنگىزىلدى.
