ۇزاق مەرزىمدى بولجامدارعا سايكەس, قازاقستاندا قىس ەرتە ءارى قارلى بولادى. ەلىمىزدىڭ سولتۇستىك, ورتالىق, شىعىس ايماقتارىندا تۇراقتى قار قاراشانىڭ ورتاسىندا تۇسسە, وڭتۇستىك جانە باتىس ايماقتاردا جەلتوقساننىڭ ەكىنشى جارتىسىندا قار جاتاتىن بولادى.
«قىستىڭ ىزعارىن قاراشانىڭ سوڭىندا سەزىنە باستايمىز. ول كەزدە ەلىمىزدىڭ سولتۇستىك, ورتالىق جانە شىعىس وڭىرلەرىندە اۋا تەمپەراتۋراسى تۇندە مينۋس 30 گرادۋسقا دەيىن, ال كۇندىز -15-كە دەيىن تومەندەيدى. قازاقستاننىڭ وڭتۇستىك جارتىسىندا تۇندە مينۋس 15-كە دەيىن, ول كۇندىز مينۋس 5 دەيىن سۋىتادى», - دەدى باسقارما باسشىسى.
2018 جىلعى قاڭتار ازيالىق انتيتسيكلونىنىڭ ىقپالىنان از قارلى جانە سۋىق بولادى. «اقپاندا مول قار جاۋىپ, قاتتى جەل مەن بوران سوعادى. وسى رەتتە ەلىمىزدىڭ سولتۇستىك-باتىس جارتىسىندا ۋلتراپوليارلىق سۋىق اۋا ماسسالارىنىڭ ەنۋىمەن بىرقالىپتى ايازدى, اۋا تەمپەراتۋراسى كليماتتىق نورمادان 1...2°س تومەن اۋا-رايى كۇتىلۋدە, ال وڭتۇستىك-شىعىس جارتىسىندا وڭتۇستىك تسيكلونداردىڭ ءجيى شىعۋىمەن تەمپەراتۋرالىق فون كليماتتىق نورماعا جۋىق بولادى دەپ كۇتىلۋدە»,-دەيدى ول.
