لاتىن گرافيكاسىنا كوشۋ – وركەنيەتتى شەشىم

مارقۇم گەرولد بەلگەر «ويشىل جان ءبىر ۇلتتىڭ پەر­زەنتى ەمەس, ادامزات پەر­زەنت­ى» دەگەن ەكەن. ۇلتتىق سانا­نىڭ ترانسفورماتسيالانۋىنا, وز­گەرۋىنە الىپ كەلەتىن جاڭا ۇلت­تىق ءالىپبي – كەمەل كەلەشەك كەپىلى.

ۇلتتىق كودتىڭ تىرەگى بولىپ تا­بىلاتىن ءتىل تاقىرىبى قا­شان دا كۇن تارتىبىنەن تۇسكەن ەمەس. ەلباسى كوتەرگەن رۋحاني جاڭعىرۋ ءھام گەنەتيكالىق جاد ماسەلەسىنىڭ تۇپقازىعى دا وسى ءتىل تاقىرىبىنان باستاۋ الادى. وسىدان ون ءبىر جىل بۇرىن بيىك مىنبەردەن اي­تىل­عان لاتىن قارپىنە كوشۋ سول كەزدە ارمان بولسا, بۇل كۇندە شىندىققا اينالدى. ۋاقىت­تان وتكەن سىنشى, ساراپ­شى, دانىشپان جوق ەكەنى تاعى ءبىر دالەلدەندى. ۋاقىت-پات­شا ءوز ءامىرىن ورىنداتتى. ۇلى بابامىز ءال-ءفارابيدىڭ «دۇ­نيەنى وزگەرتكىڭ كەلسە, الدىمەن ءوزىڭ وزگەر» دەگەن دانالىق ءسوزى­نىڭ ماڭىزى زور. رۋحاني جاڭ­عىرۋ­دىڭ باستاۋى – ۇلتتىق سانا, تىرەگى – ۇلتتىق ءتىل, ارقاۋى ء بى­لىم بولسا, باسپالداعى – جاڭا ۇلت­تىق ءالىپبي. لاتىن گرافيكا­سىنا كوشۋ – وركەنيەتتى شەشىم. 
كۇنى كەشە ەلباسى نازارىنا قوعامدىق تالقىلاۋلاردان ءوتىپ, قايناۋى پىسكەن, بارلىق ۇسىنىستار ەسكەرىلە وتىرىپ ازىر­لەنگەن ۇلتتىق ءالىپبي ۇسىنىل­دى. لاتىن قارپىنە نەگىز­دەل­گەن قازاق ءتىلىنىڭ بىر­ىڭعاي ستاندارت جوباسى – پرە­زيدەنتتىڭ باعدارلاما­لىق ماقا­لاسىندا كورسەتىلگەن نەگىزگى باعداردىڭ باستى باعىت­تارى­نىڭ ءبىرى. تاريحي ءمانى, ساياسي ماڭىزى بار بۇل مايەكتى ماسە­لەنى نۇرسۇلتان ءابىش ۇلى نا­زار­دان تىس قالدىرعان ەمەس. مەم­لەكەتتىك ءتىلدى لاتىن گرا­في­كاسىنا كوشىرۋ جونىندەگى جو­بانى ىسكە اسىرۋ ءۇشىن قۇرىل­عان جۇمىس توبىنىڭ مۇشە­لەرىمەن كەزدەسكەن ەلباسى حا­لىق­تىڭ قىزۋ قولداۋىنا ريزا­شى­لىعىن ءبىلدىردى: «الەم­دە ەشبىر ەل ءوزىنىڭ جاڭا ءالىپ­بيىن بۇكىل حالىق بولىپ وسىلاي­شا تالقىلاعان ەمەس. ءبىز ءۇشىن ءاربىر ادامنىڭ پىكىرىن ءبىلۋ ماڭىزدى». سونداي-اق ەلىمىز­دىڭ بولاشاعى جاستاردىڭ بۇل ىستەن سىرت قالماي بەلسەندى تۇردە قولداپ, پاتريوتتىقپەن اتسالىسقاندارىنا ريزاشىلىق سەزىمىن ءبىلدىردى. 

الەمدىك تاجىريبەلەر ەس­كەرى­لە وتىرىپ جاسالعان جاڭا ءالىپبي نەگىزىندە قازىرگى قول­دا­نىستاعى ءالىپبيدى لاتىن قار­پىنە كوشىرۋگە قاتىستى اق­پاراتتىق-ءتۇسىندىرۋ جۇمىس­تارىن جۇرگىزۋ – ەڭ وزەكتى ماسەلە. ءتىلىمىزدى دامىتىپ, ونى الەم­دىك اقپاراتتىق كەڭىس­تىككە شى­عارۋدىڭ نەگىزگى كوزى بو­لىپ تابى­لاتىن تاريحي وقي­عا­دان ۇستاز­دار ۇستاحاناسى اتان­عان وڭتۇستىك قازاقستان مەملەكەتتىك پەداگو­گيكالىق ينستيتۋتى دا شەت قالعان ەمەس. 32 تاڭبادان تۇراتىن ۇلت­­­تىق الىپبيدە قازاقتىڭ ءتول دىبىس­تارىنىڭ تاڭبا­لانۋى ءبىزدى قۋانت­تى. ءتىل ما­مان­دارىنىڭ وسى نۇس­قا­سىن قول­دانىسقا ەنگىزۋگە ابدەن لاي­ىقتى دەپ ەسەپتەيمىز. لاتىن گرا­في­كاسىنا ءوتۋ – تاريحي قاجەتتىلىك. 

وڭالباي اياشەۆ,
وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ رەكتورى,

پەداگوگيكا عىلىمدارىنىڭ دوكتورى,

پروفەسسور, قر ۇعا كوررەسپوندەنت-مۇشەسى