قازاقستان ءۇشىن اسا ماڭىزدى مادەني وقيعا UNESCO اتقارۋ كەڭەسىنىڭ 202-ءشى سەسسياسى اياسىندا 17-19 قازان ارالىعىندا وتەدى, دەپ حابارلايدى «استانا بالەت» تەاترىنىڭ ءباسپاسوز قىزمەتى. مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا العا قويىلعان قازىرگى زامانعى قازاقستاندىق مادەنيەتتىڭ حالىقارالىق تانىستىرىلىمى بۇگىنگى تاڭداعى ماڭىزدى مىندەتتەر اياسىندا وزەكتى ماسەلە بولىپ تابىلادى.
بۇل شارا «استانا بالەت» جاس قازاق تەاترى ءۇشىن اسا ماڭىزدى وقيعا بولماق. سەبەبى «استانا بالەت» تەاترى كۇزگى ماۋسىمدىق جۇمىسىن پاريج ساحناسىنان باستايدى. تەاتردىڭ شىعارماشىلىق ۇجىمى ۇلتتىق جانە الەمدىك حورەوگرافيا ونەرىنىڭ ۇزدىك ۇلگىلەرىن ۇسىناتىن بولادى.
قازاقستاننىڭ فرانتسياداعى ەرەكشە مادەني باعدارلاماسىنا قاتىسۋ ءبىز ءۇشىن ۇلكەن قۇرمەت پەن جاۋاپكەرشىلىك, ويتكەنى ءبىز ءوز ەلىمىزدى لايىقتى تۇردە تانىتۋىمىز كەرەك. ءبىزدىڭ ەلىمىز تۋرالى عىلىمي-پراكتيكالىق كونفەرەنتسيالار ۇيىمداستىرىلىپ, كورمەلەر, دەرەكتى فيلمدەر, ەتنواۋىلدىڭ كورسەتىلىمى بولادى. سونداي-اق ەلىمىزدىڭ زاماناۋي مادەنيەتىن كورسەتەتىن كوركەمونەر شەبەرلەرىنىڭ قاتىسۋىمەن گالا-كونتسەرت قويىلادى», - دەيدى تەاتر رەجيسسەرى ۆالەري كۇزەمباەۆ.
«استانا بالەت» تەاترى پاريجدىك ونەر سۇيەر قاۋىمعا ءوزىنىڭ ەرەكشە باعدارلاماسىن ۇسىنادى: ۇلتتىق مادەنيەتتىڭ ەتنيكالىق نوتالارى, «اققىز» جانە «ارۋلار شەرۋى» حورەوگرافيالىق مينياتيۋرالارىمەن جانە «LoveFearLoss» ءبىر اكتىلى بالەتىنىڭ نەوكلاسسيكالىق ستيلدەگى فراگمەنتى. سونىمەن قاتار, «استانا بالەتى» تەاترى پاريجدەگى ايگىلى «SallePlueyel» كونتسەرتتىك زالىندا «LoveFearLoss», «Afuegolento» بالەتىن, «كلەوپاترا» بالەتىنەن جانە « ۇلى دالا مۇراسى» باعدارلاماسىنان ءۇزىندى كورسەتەدى. « ۇلى دالا مۇراسى» باعدارلاماسى حورەوگرافيالىق مينياتيۋرالاردى جانە ۇلتتىق باي ءتۇستى بالەتتەردىڭ فراگمەنتتەرىن قامتيدى.
بارلىق كومپوزيتسيالار حالىقتىق داستۇرلەردىڭ, امبەباپتىقتىڭ, ۇلكەن ەموتسيالىق زاريادتاردىڭ وزىندىك ەرەكشەلىكتەرىمەن ەرەكشەلەنەدى. ەكسپرەسسيۆتى مۋزىكا مەن قايتالانبايتىن كوركەمدىك كەسكىندەرگە بايلانىستى تەرەڭ اسەر قالدىرادى. « ۇلى دالا مۇراسى» - زاماناۋي ۇلتتىق بالەتى ول, جارقىن قارقىندى دامىپ كەلە جاتقان وزىندىك ۇلتتىق بوياۋىمەن ەرەكشەلەنەتىن كورىنىس. ايتا كەتەيىك, «استانا بالەت» تەاترى الەمدىك اتاقتى تەاتر ساحنالارى: ماسكەۋ مەن سانكت-پەتەربۋرگتە (رەسەي), بەيجىڭدە (قىتاي), پاريج (فرانتسيا), ۆەنا (اۆستريا), سەۋل (كورەيا), بۋداپەشتە (ۆەنگريا), باكۋ (ازەربايجان), نيۋ-يورك (اقش), توكيو (جاپونيا), ۆارشاۆا (پولشا) ءوز ونەرلەرىن كورسەتكەن بولاتىن.
جاس كوماندا وزىندىك قولتاڭبا تابۋعا, قايتالانباس شىعارماشىلىق قۇرۋعا, كلاسسيكالىق مۇرانى بارىنشا ساقتاي وتىرىپ, جارقىن, ۇمىتىلماس يننوۆاتسيالارمەن پلاستيكالىق ءتىلدى بايىتۋعا ۇمتىلۋدا.
