سۋرەت: KazFootball.kz
اقتىق ويىن اقتوبە قالاسىندا ءوتىپ, 1:0 ەسەبىمەن «قايراتتىڭ» پايداسىنا شەشىلدى. ويىنداعى جەڭىس گولىن 70-مينۋتتا جەرار گوۋ سوقتى. سويتە تۇرا, جالعىز گولدىڭ اۆتورى ويىننىڭ سوڭعى مينۋتتارىندا تريبۋناعا كورسەتكەن قىلىعى ءۇشىن ويىننان قۋىلدى. بۇل كەزدە ول تىڭ ويىنشى چۋما انەنەگە جول بەرىپ, ويىندى سىرتتان تاماشالاۋعا دايىندالىپ جاتقان.
ءبىر قىزىعى, «قايراتتىڭ» 36 جاستاعى جارتىلاي قورعاۋشىسى اندرەي ارشاۆين ۇلتتىق كۋبوكتى العاش رەت جەڭىپ وتىر. رەسەيلىك «زەنيت» پەن «كۋبان», اعىلشىننىڭ «ارسەنال» كلۋبتارىندا ونەر كورسەتكەن ارشاۆين كوماندا ساپىندا كوپتەگەن جەتىستىككە جەتكەنىمەن, ۇلتتىق كۋبوكتى ەشقاشان ۇتىپ كورمەپتى.
«قايرات» - قازاقستان كۋبوگىن وسىمەن 8-رەت يەلەنىپ, رەكوردسمەن بولىپ وتىر. وتكەن جىلى كۋبوكتى «استانا» يەمدەنگەن.
