سوڭعى 10 جىلدا اۋداننىڭ الەۋمەتتىك-ەكونوميكالىق دامۋى جىلدان جىلعا جوعارىلاپ كەلەدى. بارلىق ەلدىمەكەندەر كوگىلدىر وتىنمەن قامتىلعان. بۇگىنگى تاڭدا اۋىز سۋ جانە كارىز سۋ قۇبىرى قۇرىلىستارى جۇرگىزىلۋدە. بارلىق ەلدىمەكەندە مەكتەپ, بالاباقشا, مادەنيەت ۇيلەرى جۇمىس ىستەيدى.
بۇگىن وبلىس اكىمى اۋدان حالقىن مەرەيلى مەرەكەمەن قۇتتىقتادى. ول الدىمەن فورت-شەۆچەنكو قالاسىنداعى «مادەنيەت ءۇيى» مەملەكەتتىك كاسىپورنى جۇمىسىمەن تانىستى. ورتالىقتىڭ سىيىمدىلىعى 255 ادام. مۇندا 37 ادام جۇمىس ىستەيدى.
-جالپى اۋداننىڭ ءوسۋ قارقىنى جامان ەمەس. سوڭعى ءبىر جىلدىڭ ىشىندە 70-كە جۋىق ارنايى شاعىن جانە ورتا بيزنەس ورىندارى, 100-دەن اسا جاڭا جۇمىس ورىنى اشىلدى. بۇل ءبىر اۋدان ءۇشىن از كورسەتكىش ەمەس. مۇنىڭ بارلىعى وبلىسىمىزعا تىكەلەي اسەرىن تيگىزەدى. ورتا جانە شاعىن بيزنەستىڭ اينالاسىندا كوپتەگەن جاڭا جۇمىس ورىندارىن اشۋىمىز كەرەك. وسىعان بايلانىستى اۋدان اكىمىنە دە ءتيىستى تاپسىرما بەرىلدى. ول مەنىڭ تاپسىرمام ەمەس, ول ەلباسىنىڭ الدىمىزعا قويىپ وتىرعان تاپسىرمالارى, دەدى ماڭعىستاۋ وبلىسىنىڭ اكىمى ەرالى توعجانوۆ.
مەرەكەلىك سالتاناتتى جيىننان كەيىن ءوڭىر باسشىسى «دارىن» اۋداندىق قوسىمشا ءبىلىم ورتالىعىنا باردى. ءبىلىم بەرۋ مەكەمەسى 2011 جىلى اشىلعان. قازىر مۇندا 45 قىزمەتشى ەڭبەك ەتەدى. ورتالىقتىڭ سىيىمدىلىعى 62 ورىندىق. ءبىلىم ورداسىنىڭ ماقساتى - وقۋشىلار مەن جاسوسپىرىمدەردىڭ ساباقتان تىس ۋاقىتىن ءتيىمدى پايدالانۋ. 2017-2018 جىلدارعا دەيىن 600 بالانى قوسىمشا بىلىممەن قامتۋدى جوسپارلانىپ وتىر.
سونىمەن قاتار, قوناقتارعا «بولاشاققا باعدار: رۋحاني جاڭعىرۋ» ماقالاسى اياسىندا تۇپقاراعان اۋداندىق جوبالىق ءوفيسى تانىستىرىلدى. قازىر اۋداندا 4 كىشى باعدارلامادان تۇراتىن «رۋحاني جاڭعىرۋ» باعدارلاماسىن ىلگەرىلەتۋ جانە ۇيلەستىرۋ بويىنشا اۋداندىق جۇمىس توبى, جوبالىق توپ پەن حاتشىلىق قۇرامى بەكىتىلدى. اتالعان توپقا ءوڭىردىڭ زيالى قاۋىم وكىلدەرى, مەملەكەتتىك ورگان باسشىلارى, ۇكىمەتتىك ەمەس ۇيىمدار, ارداگەرلەر, باق وكىلدەرى ەنگىزىلدى. سونداي-اق, تۇپقاراعان اۋدانى بويىنشا «رۋحاني جاڭعىرۋ» اۋداندىق جوبالىق ءوفيسى قۇرىلىپ, بۇگىنگى كۇنى اتالعان باعىتتاعى جۇمىستاردى جۇرگىزۋدە.
اۋدان ورتالىعىندا مەرەكەگە ارنالعان شەرۋ ۇيىمداستىرىلدى. وعان اۋدان ارداگەرلەرى, مەملەكەتتىك اكىمشىلىك قىزمەتشىلەر, قۇقىق قورعاۋ سالاسىندا ۇلتتىق قاۋىپسىزدىك كوميتەتى, اۋداندىق پروكۋراتۋرا, اۋداندىق سوت, ىشكى ىستەر ءبولىمىنىڭ قىزمەتكەرلەرى, اۋرۋحانا, ءبىلىم ءبولىمىنىڭ قىزمەتكەرلەرى, اۋداننىڭ قۋاتىن بەينەلەيتىن وندىرىستىك مەكەمەلەر, سپورتشىلار, اۋداندىق «تۇلپار» اسكەري-پاتريوتتىق كلۋبى, اۋداننىڭ بەلسەندى جاستارى جانە مەكتەپ وقۋشىلارى قاتىستى. شەرۋ سوڭى كونتسەرتتىك باعدارلاماماەن جالعاستى. مەرەكەلىك كونتسەرتتەن كەيىن ات شابىس الاڭىندا «الامان بايگە» ۇيىمداستىرىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
