ۇقشۇ-عا مۇشە-مەملەكەتتەر پارلامەنتشىلەرىنىڭ كەزەكتى كەزدەسۋى ەنەرگەتيكا قاۋىپسىزدىگى, گۋمانيتارلىق كومەك, سونداي-اق, مەملەكەتتىك قۇپياعا قاتىستى مودەلدىك زاڭداردى قاراۋعا ارنالدى. جيىنعا قاتىسۋشىلار سونداي-اق, اقپاراتتىق سالاداعى زاڭ بۇزۋشىلىقتارمەن كۇرەس ماسەلەلەرى جونىندەگى قىلمىستىق زاڭنامالاردى جەتىلدىرۋ بويىنشا ۇسىنىمداردى دا نازاردان تىس قالدىرمادى.
تالقىلانعان سۇراقتار قاتارىندا ورتالىق ازيادا ايماقتىق قاۋىپسىزدىكتى جانە ىنتىماقتاستىقتى, سونىمەن بىرگە, ۇقشۇ پا مەن ەقىۇ پارلامەنتتىك اسسامبلەياسىنىڭ ءوزارا ءىس قيمىلىن زاڭنامالىق قامتۋداعى پارلامەنتتەردىڭ رولىنە دە نازار اۋدارىلدى.
تەرروريزمەن كۇرەستىڭ وزەكتىلىگىنە كوڭىل بولگەن ءماجىلىس سپيكەرى اتالعان پارلامەنتتىك ۇيىمداردىڭ ءوزارا ءىس-قيمىلىن ودان ءارى ىنتالاندىرۋدىڭ ماڭىزدىلىعىنا توقتالدى.
وسى رەتتە ن. نىعماتۋلين تاجىريبە الماسۋ ماقساتىندا ۇقشۇ پا جۇمىسىنىڭ كەلەر جىلعا ارنالعان جوسپارىندا ەقىۇ پا بىرلەسكەن كەزدەسۋىن ۇيىمداستىرۋدى قاراۋدى ۇسىندى.
