2017 جىلعى 23 ناۋرىزدا استانادا قول قويىلعان حاتتاما «تسەليننىي» جانە «سىرداريا» اۆتوموبيل وتكىزۋ بەكەتتەرىن اشۋدى, «قازىعۇرت», «قاپلانبەك», «اتامەكەن» اۆتوموبيل وتكىزۋ بەكەتتەرىنىڭ مارتەبەسىن «ەكىجاقتىدان» «كوپجاقتىعا» وزگەرتۋدى جانە تەمىرجولداعى وتكىزۋ بەكەتىن بەينەۋ ستانتسياسىنان وازيس ستانتسياسىنا اۋىستىرۋدى كوزدەيدى.
سەناتورلار سونداي-اق «قازاقستان رەسپۋبليكاسىنىڭ ۇكىمەتى مەن نورۆەگيا كورولدىگىنىڭ ۇكىمەتى اراسىنداعى حالىقارالىق اۆتوموبيل تاسىمالدارى تۋرالى كەلىسىمدى راتيفيكاتسيالاۋ تۋرالى» زاڭ جوباسىن قارادى.
2012 جىلعى 25 ماۋسىمدا استانادا قول قويىلعان كەلىسىمدى راتيفيكاتسيالاۋ قازاقستان مەن نورۆەگيا اراسىنداعى اۆتوموبيل قاتىناستارىن جۇزەگە اسىرۋدىڭ قۇقىقتىق نەگىزدەرىن جاساۋعا مۇمكىندىك بەرەدى, سونداي-اق ەكى ەلدىڭ ساۋدا-ەكونوميكالىق ىنتىماقتاستىعىن ودان ءارى دامىتۋعا ىقپال ەتەدى.
زاڭ جوبالارى پالاتانىڭ قاراۋىنا جىبەرىلدى.
