الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى ماقسات قيقىموۆ «Almaty Invest» جىل سايىن ءوزىنىڭ الاڭىندا بەدەلدى ساياساتكەرلەردى, الەمدىك جانە وتاندىق بيزنەس كوشباسشىلارىن, ينۆەستيتسيالىق كورپوراتسيالار, قارجى ينستيتۋتتارى جانە حالىقارالىق ۇيىمدار باسشىلارىن جينايتىنىن جەتكىزدى.
«وسى جىلعى فورۋم جۇمىسىنا الەمنىڭ 28 ەلىنەن كەلەتىن 500-دەن استام دەلەگات قاتىسادى دەپ كۇتىلۋدە. ءىس-شارانى قازاقستاندىق تاۋەلسىز بۇقارالىق اقپارات قۇرالدارىنىڭ نەگىزىن قالاۋشىلاردىڭ ءبىرى بيزنەسمەن ارمانجان بايتاسوۆ جۇرگىزەتىن بولادى. فورۋمنىڭ باسىم مىندەتى شەتەلدىك ينۆەستورلاردى تارتۋ, سونداي-اق ىسكە اسىرىلعان جوبالارمەن قاتار, ينۆەستيتسيالار سالۋدى قاجەت ەتەتىن كەلەشەك جوبالاردىڭ تۇساۋ كەسەرىن كورسەتۋ بولىپ ەسەپتەلەدى», دەدى سپيكەر.
سونىمەن قاتار, ول بۇدان بۇرىن وتكەن فورۋمنىڭ قورىتىندىسىنا توقتالدى. 7,7 ملرد. تەڭگەنىڭ 5 جوباسى قازىرگى كەزدە ىسكە اسىرىلىپ, 1230 جۇمىس ورنى قۇرىلعانىن باياندادى.
«Land Master Co., Ltd» وڭتۇستىك كورەيا كومپانياسىمەن 10 مىڭ ءتۇپ كوشەت وتىرعىزىلدى, كوشەتتىك اشىلدى, Moskva Metropolitan ساۋدا ورتالىعىنىڭ 2-ءشى كەزەگى ىسكە قوسىلدى. الداعى فورۋم وتكەننەن كەيىن ءبىز بۇدان دا كوپ تىكەلەي شەتەلدىك ينۆەستيتسيالار تارتۋدى كوزدەپ وتىرمىز», دەپ سپيكەر ءوز سوزىندە.
سونداي-اق, جيىنعا قاتىسۋشىلار بريفينگ بارىسىندا فورۋم باعدارلاماسىندا لوگيستيكاعا, بىلىمگە, تاماق ونەركاسىبىنە جانە كينويندۋسترياعا ارنالعان 4 سەكتسيانىڭ كوزدەلگەنىن ايتىپ بەردى. ولاردىڭ ايتۋىنشا, بۇل سالالار قارقىندى تۇردە دامۋدا جانە ينۆەستيتسيالار سالۋدىڭ كەلەشەگى زور سالالارى بولىپ ەسەپتەلەدى.
سپيكەرلەر رەتىندە حالىقارالىق جانە وتاندىق ينۆەستورلار مەن ساراپشىلار ءسوز سويلەيدى. جەكەلەي العاندا, ولار گليگور تاشكوۆيچ مىرزا, India & UK «Sethia Group» توراعاسى, Newby Teas نەگىزىن قالاۋشى نيرمال كۋمار سەتيا, «Selma group» قۇرىلتايشىسى, «Cameroil & TEC AG» باس ديرەكتورى مايكل بونو, MTV تا پروديۋسەرى ريچارد كورام, قازاقستانداعى «Haileybury» قامقورشىلىق كەڭەسىنىڭ توراعاسى يان حانت, قازاقستاننىڭ ءىرى ينۆەستورلارى ايدان كارىبجانوۆ جانە سيدديك حان, تاۋەلسىز ەكونوميست راحىم وشاقباەۆ جانە باسقالار.
