اكىمنىڭ مالىمدەۋىنشە, وبلىستا سالىنىپ جاتقان تۇرعىن ۇيلەردىڭ نەگىزگى بولىگى «نۇرلى جەر» باعدارلاماسى بويىنشا تۇرعىزىلىپ جاتىر. سونداي-اق اكىم جەكە تۇرعىن ءۇي سەكتورىن دامىتۋ بويىنشا دا جۇمىس جۇرگىزىلىپ جاتقانىن العا تارتتى. وبلىستا جەكە تۇرعىن ءۇي قۇرىلىسىنا ارنالعان اۋماقتار بەلگىلەنىپ, ول جەرگە ينجەنەرلىك ينفراقۇرىلىمداردى تارتىلىپ جاتقانىن ايتتى. اعىمداعى جىلى اۋىلداردى كورىكتەندىرۋگە 11 ملرد تەڭگە باعىتتالعانىن دا جەتكىزدى.
ءوڭىردىڭ الەۋمەتتىك-ەكونوميكالىق دامۋىنا ارنالعان ءباسپاسوز ءماسليحاتىندا وبلىس اكىمى ءبىلىم سالاسىنىڭ دا جەتىستىكتەرىن ايتىپ بەردى. اعىمداعى جىلى تۇڭعىش رەت مەكتەپتەردىڭ ماتەريالدىق-تەحنيكالىق بازاسىن نىعايتۋعا 1 ملرد تەڭگە ءبولىندى. جاڭا وقۋ جىلىنا قاراي 118 ءبىلىم بەرۋ نىسانىندا 1,9 ملرد تەڭگەگە جوندەۋ جۇمىستارى جۇرگىزىلدى. اعىمداعى جىلى وبلىستىڭ بارلىق مەكتەپتەرىندە شاحمات ۇيىرمەلەرى اشىلدى. پاۆلودارلىق وقۋشىلار رەسپۋبليكالىق ءپان وليمپيادالارىندا 55 جۇلدەلى ورىندارعا يە بولىپ, وبلىستار اراسىندا جۇلدەلى ەكىنشى ورىنعا تۇراقتادى. پاۆلودار وبلىسى ۇبت بويىنشا دا ورتاشا 91,77 ۇپايمەن ەكىنشى ورىندى يەلەندى», دەدى اكىم.
دينارا بىتىك,
«ەگەمەن قازاقستان»
