اكىم سونداي-اق وڭىردە يندۋستريالاندىرۋ كارتاسىنىڭ ەكىنشى بەسجىلدىعى شەڭبەرىندە ينۆەستيتسيالار كولەمى 1,1 ترلن تەڭگەنى قۇرايتىن 35 جوبا جۇزەگە اسىرىلىپ جاتقانىن تىلگە تيەك ەتتى. بۇل 8412 جۇمىس ورنىن قۇرۋعا مۇمكىندىك بەرمەك. ال بيىلعى جىلى 1323 جۇمىس ورنىن قۇرۋعا جاعداي جاسايتىن 8 جوبانى ىسكە قوسۋ كوزدەلىپ وتىر. ولاردىڭ ينۆەستيتسيالار كولەمى 271,0 ملرد تەڭگەنى قۇرايدى.
ب.باقاۋوۆ سونىمەن قاتار مەملەكەتتىك باعدارلامالاردى جۇزەگە اسىرۋ ناتيجەسىندە كاسىپكەرلەردىڭ بەلسەندىلىگى ارتىپ كەلە جاتقانىن اتاپ ءوتتى. «قازىرگى كەزدە شاعىن جانە ورتا بيزنەس سۋبەكتىلەرىنىڭ سانى 6,5 پايىزعا ارتتى, ولار شىعاراتىن ءونىم كولەمى 1,3 ەسەگە ارتتى. جالپى, بيزنەستىڭ جول كارتاسى باعدارلاماسى بويىنشا كاسىپكەرلىكتى دامىتۋ جانە قولداۋعا 4,2 ملرد تەڭگە ءبولىندى» دەدى اكىم.
دينارا بىتىك,
«ەگەمەن قازاقستان»
