جۋىردا وڭىردەگى وسى قاناتتى جوباعا الىنعان ۋسپەن اۋدانىنىڭ ورتالىعىنداعى № 3 قازاق تىلىندە جالپى ءبىلىم بەرەتىن ورتا مەكتەپتە «ساندىق قازاقستان» جوباسى شەڭبەرىندە ارنايى كابينەت اشىلدى. مەكتەپ وقۋ ءىسىنىڭ مەڭگەرۋشىسى زاۋرەش رىمحانقىزىنىڭ ايتۋىنشا, جوبانىڭ ماقساتى - اپپاراتتىق جاڭا تەحنولوگيالار اۋىل مەكتەپتەردەگى ءبىلىم دەڭگەيىنىڭ جوعارى بولۋىنا اسەر ەتەدى. قىركۇيەك ايىندا كابينەتتىڭ اشىلۋى بولىپ, جاڭا تەحنولوگيامەن ءبىلىم الۋعا بارلىق وقۋشىلار قاتتى قىزىعۋشىلىق كورسەتىپتى. قازىر 8-ءشى سىنىپتىڭ 18 وقۋشىسى وسى جاڭا جۇيە بويىنشا ءبىلىم الۋدا. كابينەتتە ينتەربەلسەندى تاقتا, 18 سەنسورلىق نوۋتبۋك-ترانسفورمەرلەرى بار سەيف-شكافتارى بار.
Bilimbook-تە قازاق, ورىس جانە اعىلشىن تىلدەرىندە 4 ءبىلىم بەرۋ رەسۋرسى بار. بۇل BilimLand– امبەباپ ءبىلىم بەرۋ پلاتفورماسى, iTest – ۇبت جانە تكت-عا دايارلايتىن ۆيرتۋالدى ترەناجەر, iMektep – قازاق تىلىندەگى باستاۋىش مەكتەپ باعدارلاماسىنىڭ تولىق كۋرسى, Twig-Bilim – 1500-دەن استام قىزىقتى تانىمدىق فيلمدەرىنەن تۇراتىن كەشەن. قازىر مەكتەپ وقۋشىلارى جاڭاشىلدىق تەحنولوگيا جۇيەسىمەن ساباقتارىن باستاپ تا كەتتى. BilimBook دەگەنىمىز - ءبىلىمدى بەرۋدى ارتتىرۋ جانە تانىمدىق بەلسەندىلىكتى ىنتالاندىرۋ ماقساتىندا وقۋشىنىڭ جەكە قولدانۋىنا ارنالعان. مۇعالىمگە ساباق بەرۋ بارىسىندا يننوۆاتسيالىق پەداگوگيكالىق تەحنولوگيالاردى, ادىستەر مەن مودەلدەردى ەنگىزۋ مۇمكىندىك بەرەدى. BilimBook نوۋتبۋگى كونتەنتىندە 40 000 مىڭنان استام ينتەراكتيۆتى ساباق, ميلليون بەينەروليك جانە 30 000 تەستىك سۇراق بار.
فاريدا بىقاي
«ەگەمەن قازاقستان»
پاۆلودار وبلىسى
