ءىس-شارا الدىمەن وقۋشىلاردىڭ شەرۋىمەن باستالدى. ءال فارابي الاڭىندا وتكەن ەرەكشە شەرۋدى وڭتۇستىك قازاقستان وبلىسىنىڭ اكىمى ج.تۇيمەباەۆ, شىمكەنت قالاسىنىڭ اكىمى ع.ءابدىراxىموۆ جانە ەلاعالارى مەن شاھار تۇرعىندارى تاماشالادى.
الاڭعا جيناعان ونەر مەكتەبىنىڭ شاكىرتتەرى, مۋزىكا جانە حورەوگرافيا ۇجىمدارى مەن جاس سپورتشىلار مەرەكەلىك شەرۋمەن ءجۇرىپ ءوتتى. 1500-دەن استام وقۋشى قاتىسىپ, ساپ تۇزەگەن ءىس-شارانى قالا جانە ءوڭىرىمىزدىڭ تۇرعىندارى تاماشالادى.
ايتا كەتۋ كەرەك, مەرەكەلىك ءار شەرۋ ءار تاقىرىپقا ارنالدى. بۇدان كەيىنگى ءىس-شارا اتشاباردا ءوتتى. مۇندا الامان بايگەسى ۇيىمداستىرىلدى. وبلىستىق ۇلتتىق سپورت تۇرلەرى مەكتەبىنىڭ مۇرىندىق بولۋىمەن وتكەن بايگەگە وسى مەكتەپتىڭ ءوڭىرىمىزدىڭ اۋدان-قالالارىنان كەلگەن جاس شاكىرتتەرى قاتىستى. 16 شاقىرىمعا سوزىلعان بايگە جەڭىمپازدارىن وبلىس اكىمى جانسەيىن تۇيمەباەۆ ماراپاتتاپ, جۇلدەلەرىن تابىس ەتتى. ايتا كەتەيىك, الامان بايگەنىڭ جەڭىمپازى اتانعان شاباندوز سمايل جەڭىسكە باس جۇلدەگە تىگىلگەن "نيۆا" اۆتوكولىگى تارتۋ ەتىلسە, ەكىنشى ورىن العان جاسۇلان تۇرعانباەۆقا – 450 مىڭ تەڭگە, ال ءۇشىنشى ورىن يەگەرى اليك نۇرماحانبەتوۆقا 300 مىڭ تەڭگە اقشالاي جۇلدەنىڭ سەرتيفيكاتى تابىس ەتىلدى.
تاعى ءبىر ايتا قالارلىقتاي ءىس-شارا ناۋرىز الاڭىندا ءوتتى. مۇندا باۋىرساق پىسىرۋدەن ابسوليۋتتىك رەكورد جاسالدى. قالا كۇنىن اتاپ ءوتۋ بارىسىندا قازاقستاننىڭ «كينەس» رەكوردتار كىتابىنىڭ (گيننەستىڭ رەكوردتتار كىتابىنىڭ قازاقستاندىق نۇسقاسى) جاڭا رەكوردى تىركەلدى. «التىن ءدان» كومپانياسىنىڭ قولداۋىمەن جەرگىلىكتى ۇزدىك 20 اسپاز 1139 كەلى باۋىرساق ءپىسىردى. جاڭا رەكورد جاسالىپ, ارنايى كوميسسيادا تىركەلگەنى جايلى سەرتيفيكات رەكورد ورناتۋشىلارعا تابىستالدى.
ايتا كەتەيىك, بۇعان دەيىنگى رەكورد الماتىدا تىركەلىپ, وندا 856 كەلى باۋىرساق پىسىرىلگەن ەدى. ال وڭىرىمىزدەگى رەكوردتى ورناتۋ ءۇشىن 750 كەلى ۇن, 400 ليتر ماي, 60 كەلى قانت پەن 150 ليتر ءسۇت جۇمسالدى. ءبىر توننادان استام باۋىرساق 10 قازاندا ءپىسىرىلدى. ال سالماعى ارنايى تارازىدا ولشەندى. رەكورد تىركەلگەن سوڭ باۋىرساق ارنايى قاعاز قالتالارعا سالىنىپ, قوناقتارعا تاراتىلدى. ايتا كەتەيىك, قالا كۇنى مەرەكەسىنە 30 مىڭنان استام ادام قاتىسۋدا. مەرەكە كەشكىلىك گالا-كونتسەرتپەن جالعاساتىن بولادى. .
