تۇركى الەمى ينجەنەرلەرى مەن ساۋلەتشىلەر وداعىنىڭ ۇيىمداستىرۋىمەن 4 جىلدا ءبىر رەت وتكىزىلەتىن حالىقارالىق جوبالار بايقاۋىنىڭ جەڭىمپازدارىن ماراپاتتاۋ سالتاناتى كايسەري قالاسىندا بولدى.
تۇركيانىڭ قورشاعان ورتا جانە قالا قۇرىلىسى مينيسترلىگىنىڭ قولداۋىمەن وتكەن سالتاناتتى جيىنعا مەملەكەت جانە قوعام قايراتكەرلەرى, تۇركى الەمىنە قىزمەت ەتەتىن ۇيىمدار وكىلدەرىمەن قاتار, 36 مەملەكەتتەن كەلگەن ساۋلەت-قۇرىلىس سالاسىنىڭ ۇزدىكتەرى قاتىستى. اكادەميا جۇلدەسى ۇيىمنىڭ تۇراقتى حاتشىسى اسحات كەسىكباەۆقا تابىس ەتىلدى. قاتىسۋشىلارعا TWESCO باسشىسى دارحان قىدىرالىنىڭ قۇتتىقتاۋ سالەمىن جەتكىزگەن ا.كەسىكباەۆ تۇركى اكادەمياسىنىڭ قىزمەتى مەن ىرگەلى جوبالارى جونىندە بايانداپ, ۇيىمداستىرۋشىلارعا العىس ءبىلدىردى.
ايتا كەتۋ كەرەك, بايقاۋ ناتيجەسىندە «استانا ەكسپو-2017» كورمەسى «قالا قۇرىلىسى» نوميناتسياسىندا جەڭىمپاز اتاندى. جالپى, بايقاۋ «ترانس-قۇرلىقتىق ءىرى جوبالار», «ينجەنەرلىك جانە سəۋلەت جوبالارى», «قالا قۇرىلىسى», سونداي-اق «ديزاين جəنە يدەيالىق جوبالار» نوميناتسيالارى بويىنشا ءوتتى.
