جاڭا اۆتوبۋس جولاقتارى الداعى ۋاقىتتا ش. ءۋاليxانوۆ جانە س. سەيفۋللين كوشەلەرىندە پايدا بولادى, دەدى جۇما كۇنى "2016-2020 جىلدارعا ارنالعان استانا قالاسىن دامىتۋ جونىندە" باعدارلامانى ىسكە اسىرۋ بارىسىندا ەلوردانىڭ كولىك كەشەنىن جاڭعىرتۋعا ارنالعان "نۇر وتان" قالالىق پارتياسىنىڭ تىڭدالىمىندا "استانا قالاسى جولاۋشىلار كولىگى باسقارماسى" مم باسشىسى بەكمىرزا يگەنبەردينوۆ.
"قازىرگى ۋاقىتتا ىسكە اسىرىلۋى ەڭ قىسقا مەرزىمگە جوسپارلانعان 12 جوبا بەلگىلەندى. ولاردىڭ ءبىرى ءارى - «BusLane» جوباسىن جالعاستىرۋ. ء"بىرىنشى كەزەكتە ءۋاليxانوۆ جانە سەيفۋللين كوشەلەرى بويىنشا جوبالاردىڭ ىسكە اسىرىلۋىن قاراستىرۋدى ۇسىنامىز. ايتا كەتەيىك, ءار كوشە بويىنشا 25 اۆتوبۋس جۇرەدى. اتالمىش ۋچاسكەدە قوعامدىق كولىكتىڭ جولاۋشىلار اعىنى تاۋلىگىنە شامامەن 140 مىڭ جولاۋشىنى قۇرايدى,- دەدى بەكمىرزا يگەنبەردينوۆ.
ونىڭ سوزىنە قاراعاندا, بۇگىندە قالادا 350 مىڭنان استام كولىك قۇرالى رەسمي تۇردە تىركەلگەن. ءوز كەزەگىندە قالا ىشىندە جانە قالا سىرتىنا جۇرەتىن كولىكتەردى ەسەپكە العاندا- 400-450 مىڭ كولىك قۇرالى.
ەلوردا تۇرعىندارى جىل سايىن ورتاشا ەسەپپەن 5%-عا وسەدى, ال كولىكتەردىڭ سانى 9%-عا ارتادى, بۇل ءوز الدىنا قالانىڭ كولىك جەلىسى ءۇشىن پروبلەما بولىپ تابىلادى.
قازىرگى ۋاقىتتا استانادا 1 405 اۆتوبۋس پايدالانۋعا بەرىلگەن, 1 119 ايالداما كەشەنى قىزمەت كورسەتەدى. 370-تەن استام باعدارشام نىسانى, 2 860 بەينەباقىلاۋ كامەراسى جۇمىس ىستەيدى, 21 مىڭعا جۋىق جول بەلگىلەرى ورناتىلعان.
كولىكتەردىڭ كوپتىگىنە, جوعارى دەڭگەيىنە بايلانىستى, جول كەپتەلىستەرىنە وراي استانا اكىملىگىمەن 5 باعىتقا بولىنگەن كولىك كەشەنىن دامىتۋ بويىنشا باعدارلاما ىسكە اسىرىلۋدا. بۇل قوعامدىق كولىكتىڭ, باسقارۋ جۇيەسىنىڭ دامۋى, تىيىمدار مەن شەكتەۋلەر, جول ينفراقۇرىلىمىنىڭ دامۋى. ءار باعىت جوبالاردىڭ تىزبەسىن قۇرايدى.
قازىرگى ۋاقىتتا استانادا 23 كوشە بويىنشا قوعامدىق كولىكتىڭ 76 شاقىرىم بەلگىلەنگەن جولاعى ىسكە قوسىلعان.
