بىرىڭعاي فورما بىرقاتار ارتىقشىلىقتارعا يە.
«بىرىنشىدەن, بىرىڭعاي فورما تەز تانىلادى. ەلوردا تۇرعىندارى مەن قوناقتارى سول فورماعا قاراپ, زاڭدى تۇردە جۇمىس ىستەيتىن ساۋداگەرلەردى اجىراتا الادى», دەدى ر.قاۋعاباەۆا.
جازدا «كوشە ساۋداسىنا 1000 ورىن» باعدارلاماسى شەڭبەرىندە قىزعىلت-سارى ءتۇستى جاڭا فورمانى العاش بولىپ جۇزگە جۋىق كاسىپكەر يەلەنگەن بولاتىن. ەندى جاڭا امبەباپ فورمانى باسقا دا كوشە ساۋداگەرلەرى كيە باستايدى.
«بىرىڭعاي فورماعا كوشۋ تاجىريبەسى ءساتتى بولدى. ەندى جىل سوڭىنا دەيىن ەلوردا كوشەلەرىندە ساۋدامەن اينالىساتان كاسىپكەرلەردىڭ بارلىعىنا ەنگىزۋدى كوزدەپ وتىرمىز», - دەدى باسقارما باسشىسى.
كاسىپكەرلىك جانە ونەركاسىپ باسقارماسى باسشىسىنىڭ ايتۋىنشا, قازىرگى كۇنى ارنايى كيىمنىڭ ديزاينى, ءتۇسى مەن جيىنتىعى ەلوردا كاسىپكەرلەرىمەن كەلىستىرىلىپ جاتىر.
