ءۇرجار اۋدانىنىڭ بالالارعا ارنالعان ارنايى الەۋمەتتىك قىزمەت كورسەتۋ ورتالىعىنا بالالاردى دامىتۋعا ارنالعان زامانۋي ينتەراكتيۆتىك جابدىعى سىيعا تارتىلدى.
«جاستاردى تۇڭعىش پرەزيدەنت قورىنىڭ جوبالارىمەن جانە گرانتتارىمەن تانىستىرۋ ءۇشىن وڭىرلەرگە بارۋ جاقسى داستۇرگە اينالدى. 2017 جىلدان باستاپ ءبىز قاراعاندى, شىمكەنت, كوكشەتاۋ جانە تالدىقورعان قالالارىندا بولدىق», - دەپ اتاپ ءوتتى قر تۇڭعىش پرەزيدەنتى – ەلباسى قورىنىڭ (بۇدان ءارى - قور) اتقارۋشى ديرەكتورى قانات جۇماباەۆ, «شىعىس قازاقستان وبلىسىنان 24 ادام قوردىڭ گرانت يەگەرى اتاندى. ولار جاس عالىمدار مەن ستۋدەنتتەر. ءبىز جاستاردىڭ جاس دارىندارعا كومەك كورسەتۋگە باعىتتالعان وتاندىق قورلاردىڭ جانە قوعامدىق ۇيىمداردىڭ قىزمەتىمەن تانىسۋعا بەلسەنىدىلىك تانىتقانىن قالايمىز».
«تۇڭعىش پرەزيدەنت قورىنىڭ وسكەمەن قالاسىنداعى كۇنى» وبلىس اكىمى دانيال احمەتوۆپەن كەزدەسۋمەن باستالدى, وندا وبلىس جاستارىن قولداۋعا باعىتتالعان بولاشاق جوبالاردى ىسكە اسىرۋ ماسەلەسى تالقىلاندى.
اكىمدىكتە قوردىڭ باسشىلىعى ءۇرجار اۋدانىنىڭ بالالارعا ارنالعان ارنايى الەۋمەتتىك قىزمەت كورسەتۋ ورتالىعىنىڭ وكىلىنە ينتەراكتيۆتىك جابدىق ساتىپ الۋ ءۇشىن 3,5 ميلليون تەڭگە سوماسىنا سەرتيفيكات تابىس ەتتى.
بۇدان كەيىن قوردىڭ ۇجىمى جانە ونىڭ لاۋرەاتتارى د. سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە (شقمتۋ) عىلىمي جانە ستۋدەنتتىك اكتيۆپەن كەزدەستى, وندا قوردىڭ جوبالارى, گرانتتارى جانە اتاۋلى ستيپەنديالارى جانە ولاردى قالاي جەڭىپ الۋ تۋرالى اڭگىمە بولدى.
«Method» باعدارلاما جاساۋ مەكتەبىنىڭ باسشىسى, قوردىڭ ءىت-كەڭەسىنىڭ توراعاسى داگار داۆلەتوۆتىڭ شقمتۋ ۋنيۆەرسيتەتىنىڭ ستۋدەنتتەرى - بولاشاق ءىت- ماماندارى ءۇشىن وتكىزگەن شەبەرلىك ساباعى قىزىقتى ءارى پايدالى بولدى.
داگار داۆلەتوۆتىڭ سوزىنەن: «2017 جىلى قور ءىت سالاسىندا 2 ءىرى جوبانى ىسكە اسىردى, ول - «Smart Zholy» ي «Method PRO» جوبالارى, ولاردىڭ ارقاسىندا جاس قازاقستاندىق باعدارلاماشىلار جانە ستارتاپەرلەر وقۋ وقىپ, ءوز باعدارلامالارىن قازاقستاننىڭ جانە شەتەلدىڭ ءىرى ۇلتتىق كومپانيالارىنا ۇسىندى. ونىڭ ناتيجەسىندە ءبىزدىڭ جاس ماماندارىمىز جۇمىسقا ورنالاستى, ال ولاردىڭ باعدارلامالارى ۇلتتىق كومپانيالاردا ۇتىمدى پايدالانىلۋدا».
سونىمەن بىرگە, قوردىڭ سىيلىعىنىڭ لاۋرەاتى, جامبىل اتىنداعى قازاق مەملەكەتتىك فيلارمونياسىنىڭ ءسوليسى, «قازاقستاننىڭ التىن ۆيولونچەلى» ەرمەك قۇرماناەۆتىڭ حالىق ارتىستەرى اعايىندى ابدۋلليندەر اتىنداعى شىعىس قازاقستان ونەر ۋچيليششەسىنىڭ ىشەكتى اسپاپتار بولىمشەسىنىڭ ستۋدەنتتەرى ءۇشىن بەرگەن شەبەرلىك ساباعى جينالعان جاس مۋزىكانتتاردىڭ كوڭىلىنەن شىقتى.
ەرمەك قۇرماناەۆ ايتقانداي: ء«بىز - مۋزىكانتتار جاستارمەن ءوز تاجىريبەمىزدى بولىسۋگە ءاردايىم دايىنبىز. تۇڭعىش پرەزيدەنت قورى كوپتەگەن جىلدار بويى ەلىمىزدىڭ تۇكپىر-تۇكپىرىنەن كەلگەن دارىندى جاستارعا وزدەرى تاڭداعان كاسىبي ماماندىقتارىندا تابىسقا جەتۋگە كومەكتەسىپ كەلەدى».
قوردىڭ ءىس-شارالارى مەتاللۋرگتەردىڭ مادەنيەت سارايىندا وتەتىن وپەرا جۇلدىزدارىنىڭ – قوردىڭ سىيلىعىنىڭ لاۋرەاتتارىنىڭ كونتسەرتىمەن اياقتالادى. كورەرمەندەر الدىندا قر ەڭبەك سىڭىرگەن قايراتكەرلەرى – بەلگىلى ءارتىس-باريتوندار سۇندەت بايعوجين جانە ازامات جەلتىرگوزوۆ, حالىقارالىق جانە رەسپۋبليكالىق كونكۋرستاردىڭ لاۋرەاتتارى - كونتسەرتمەيستەر - گاۋحار تاسبەرگەنوۆا, مەتستسو – سوپرانو - تاتيانا ۆيتسينسكايا, باس - بولات ەسىمحان جانە جامبىل اتىنداعى قازاق مەملەكەتتىك فيلارمونياسىنىڭ ءسوليسى, «قازاقستاننىڭ التىن ۆيولونچەلى» ەرمەك قۇرماناەۆ ءوز ونەرلەرىن كورسەتەدى.
