جيىنعا شىمكەنت قالاسىنداعى «وڭتۇستىك», «تاسساي», «بادام» يندۋستيالدى ايماقتارىندا ورنالاسقان 60-تان استام شاعىن جانە ورتا بيزنەس وكىلدەرى مەن وبلىس اكىمىنىڭ ورىنباسارى ب.جامالوۆ, ءتيىستى سالا باسقارمالارىنىڭ باسشىلارى, «وڭتۇستىك» يندۋستريالدى ايماعى ديرەكتسياسىنىڭ وكىلدەرى قاتىستى.
باسقوسۋدا ءوڭىر باسشىسى كاسىپكەرلەرگە قولدان جاسالاتىن كەدەرگىلەر جويىلىپ, بيۋروكراتياعا جول بەرىلمەۋ كەرەكتىگىن ايتتى.
ء«وڭىردىڭ ءوندىرىسىن كوتەرىپ جانە وبلىس ەكونوميكاسىنىڭ دامۋىنا وراسان ۇلەس قوسىپ وتىرعان وسى شاعىن جانە ورتا كاسىپكەرلىك سالاسى. بۇگىندە كاسىبىن دوڭگەلەتەمىن دەگەن ءاربىر كاسىپكەرگە مەملەكەت بار جاعدايدى جاساپ وتىر. وزدەرىڭىز كاسىپورىن اشىپ وتىرعان يندۋستريالدى ايماقتا ەلباسىنىڭ باستاماسىمەن قولعا الىنعان ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا قۇرىلعان»,-دەدى اكىم.
بيزنەس وكىلدەرىمەن بولعان كەزدەسۋدە وتاندىق ءوندىرىستى دامىتا وتىرىپ, سىرتقى تاۋاردى قىستارتۋ جانە ەكسپورتتى ۇلعايتۋ ماسەلەسى تالقىلاندى. سونىمەن قاتار, يندۋستريالدى ايماقتا ورنالاسقان كاسىپورىندار اۋماعىن كوگالداندىرۋ مەن بوس جاتقان جەرلەردى يگەرۋ جايى دا قارالدى. وندا وبلىس اكىمىنىڭ ورىنباسارى ترانسفورماتور شىعاراتىن «Asia Trafo» كاسىپورىنى ءوز قارجىسى ەسەبىنەن «تاسساي» يندۋستريالدى ايماعىندا شاعىن باۋ ەگەتىنىن ايتىپ, وزگەلەرگە ۇلگى ەتتى.
كەزدەسۋ بارىسىندا «امير-ا» جشس-ءنىڭ ديرەكتورى ايمان اميربەكوۆا «وڭتۇستىك» يندۋستريالدى ايماقتا قۇنى 7 ميلليارد 11 ملن تەڭگە بولاتىن مەتاللۋرگيالىق زاۋىتتىڭ قۇرىلىسى جۇرگىزىلىپ جاتقانىن مالىمدەدى. جىلىنا 500 مىڭ توننا مەتالل بۇيىمدارىن شىعارۋعا قاۋقارلى ءوندىرىس ورنى ىسكە قوسىلعاندا 260 ادام جۇمىسپەن قامتىلاتىن بولادى.
ايتا كەتەيىك, «وڭتۇستىك» يندۋستريالدى ايماقتا جالپى سوماسى 55,8 ملرد تەڭگە بولاتىن بەس مىڭ جۇمىس ورنىمەن 85 جوبا جۇزەگە اسىرىلۋدا. ونىڭ بۇگىندە قۇنى 21,4 ملرد. تەڭگە بولاتىن 46 جوباسى ىسكە قوسىلىپ, ءۇش مىڭ ادام جۇمىسپەن قامتىلىپ وتىر. ال «بادام» يندۋستريالدى ايماعىندا 14 جوبا جۇزەگە اسىرىلىپ جاتسا, بۇگىندە ونىڭ 3-ءۋى ىسكە قوسىلعان. «تاسساي» يا بۇگىندە 27 جوبانى جۇزەگە اسىرۋ جوسپارلانسا, ونىڭ 4-ءۋى ىسكە اسىرىلعان.
