قالانىڭ №4 سايلاۋ وكرۋگىنەن سايلانعان 25 جاسار دەپۋتاتتىڭ وكىلەتتىگىن ارىپتەستەرى ءبىر اۋىزدان توقتاتتى. دەپۋتاتتىڭ ءوزى وكىلدىدىگىن توقتاتۋ جونىندە سايلاۋ كوميسسياسىنا ارىز بەرگەن. دەپۋتاتتىڭ مۇنان باسقا امالى جوق ەدى.
ارينە, رۋدنىيلىق ءار دەپۋتات ارىپتەسىنىڭ قىلىعىنا جاعاسىن ۇستادى. «قىزدىڭ قىلىعى تۇزدە» دەگەن راس ەكەن. دەپۋتاتتىڭ جەڭگەتايلىق جاساعانى تۋرالى كۇدىك بار. الەۋمەتتىك جەلىلەر ارقىلى يۋليا كارالاش قىزدارعا اراب امىرلىكتەرىنەن, باحرەين كورولدىگىنەن, سينگاپۋردەن, قىتاي مەن تۇركيادان قىمبات جۇمىستار ۇسىنعان. جۋرناليستەر بايلانىسقا شىققاندا, ونىڭ «قىمبات جۇمىس» دەگەنى 2-3 اپتادا 5 مىڭنان 10 مىڭ دوللارعا اقشا تابۋعا بولاتىن «ەليتالىق ەكسپورت» ەكەنى بەلگىلى بولعان. جەرگىلىكتى «ناشا گازەتا» گازەتىنىڭ سايتى حابارلاۋىنشا, قازىر قر قك 309-بابى بويىنشا بۇرىنعى دەپۋتاتقا سوتقا دەيىنگى تەرگەۋ جۇمىستارى جۇرگىزىلۋدە.
ءنازيرا جارىمبەت
«ەگەمەن قازاقستان»
رۋدنىي
