لاتىن الىپبيىنە كوشۋ ماسەلەسى ەرتەدەن تالقىعا ءتۇسىپ, قوعامداعى وزەكتى ماسەلەلەردىڭ ءبىرى بولعانى بەلگىلى. ءدال ۋاقىتىندا قولعا الىنىپ وتىرعان بۇل ۇدەرىس, اسىرەسە قازاقستاندىق جاستارعا عىلىم مەن تەحنيكانى مەڭگەرۋگە جول اشا وتىرىپ, ءتول ءالىپبيىمىزدىڭ قايتا جاڭعىرۋىنا مۇمكىندىك بەرمەك. لاتىنعا كوشكەنىمىزدە ۇتاتىن تۇستارىمىز, بىرىنشىدەن تىلىمىزدەگى قازىرگى جات دىبىستاردى تاڭبالايتىن ارىپتەردى قىسقارتىپ, سول ارقىلى قازاق ءتىلىنىڭ تابيعي تازا قالپىن ساقتاۋعا مۇمكىندىك الامىز. ەكىنشىدەن, قازاق ءتىلىن وقىتقان ۋاقىتتا باسى ارتىق تاڭبالارعا قاتىستى ەملە ەرەجەلەردىڭ قىسقاراتىنى بەلگىلى. ول مەكتەپتەن باستاپ بارلىق وقۋ ورىندارىندا وقىتۋ ءۇردىسىن جەڭىلدەتەدى. ۋاقىت تا, قارجى دا ۇنەمدەلەدى. ۇشىنشىدەن, لاتىن الىپبيىنە كوشۋ – قازاق ءتىلىنىڭ حالىقارالىق دارەجەگە شىعۋىنا جول اشادى. قازاق تىلىنە كومپيۋتەرلىك جاڭا تەحنولوگيالار ارقىلى حالىقارالىق اقپارات كەڭىستىگىنە كىرىگۋگە ءتيىمدى جاعداي جاسالادى. تورتىنشىدەن, ءتۇبى ءبىر تۇركى دۇنيەسى نەگىزىنەن, لاتىندى قولدانادى. بىزدەرگە ولارمەن رۋحاني, مادەني, عىلىمي, ەكونوميكالىق قارىم-قاتىناستى, تىعىز بايلانىستى كۇشەيتۋىمىز كەرەك.
وسى ماقساتتا ەلىمىزدەگى «نۇر وتان» پارتياسىنىڭ جانىنداعى «جاس وتان» جاستار قاناتىنىڭ بەلسەندىلەرى جاستاردىڭ اراسىندا لاتىن الىپبيىنە كوشۋ جوباسىن قوعامدىق تالقىلاۋ اياسىندا ءتۇسىندىرۋ جۇمىستارىن باستاپ كەتتى. ءبىز ەلباسى يدەياسىن قىزۋ قولداپ, وسىعان قاجەتتى شارالاردىڭ بارلىعىن جۇزەگە اسىراتىن بولامىز.
م.احمەتوۆ
«جاس وتان» كورپوراتيۆتىك قورىنىڭ باسشىسى
