ونىڭ ايتۋىنشا, اۋىر قىلمىسى ءۇشىن ەمبى قالاسىنداعى تۇزەتۋ كولونياسىندا جازاسىن وتەۋشى راديكالدى كوزقراسىنان قايتىپ وڭ جولعا بەتبۇرا باستاپتى. ونىڭ تاكفيرلىك ۇستانىمىنان باس تارتۋىنا ءدىنتانۋشى قالامگەر-قاجى سمايىل سەيىتبەكوۆتىڭ ءمازھابتار تاريحى اتتى كىتابى سەبەبشى بولىپتى.
جازاسىن وتەۋشى ءدىني اعارتۋشىلىق سيپاتتا جازىلعان وسى سۇبەلى ەڭبەكتى اباقتىدا بىرنەشە رەت قايتالاپ وقىپ شىعىپتى. سودان كەيىن ول ءدىني تۇسىنىگىنىڭ تارلىعى مەن وسى باعىتتاعى وي-ءورىسىنىڭ كەمدىگىنەن ۇكىمدەردىڭ بىرقاتارىن جاڭساق, تەرىس تۇسىنىك كەلگەندىگىن مويىنداۋعا ءماجبۇر بولادى. ءارى بۇعان دەيىن قاتەلەسىپ كەلگەنىن تۇسىنەدى.
ەكىنشىدەن سوتتالۋشى جانە ونىمەن ءتۇسىندىرۋ جۇمىستارىن جۇرگىزىپ جۇرگەن تەولوگ ەربولات ءجۇسىپوۆ ەكەۋىنىڭ اراسىندا ءوزارا تۇسىنىستىك ورنىعا باستايدى. ناقتىراق ايتقاندا, جازاسىن وتەۋشى ناماز وقىماعاننىڭ ءبارىن كاپىر دەپ ايىپتاپ كەلگەن. الايدا ء«مازھابتار تاريحى» اتتى قۇندى كىتاپتاعى ۋاحابيلىك اعىمنىڭ قالاي پايدا بولعانى جونىندەگى تاراۋمەن تانىسقاننان كەيىن و باستاعى باعىتىنان باس تارتادى. ءارى ول ءدىن جولىنا بەتبۇرۋشى وزگە جانداردىڭ ءوز قاتەلەگىن قايتالاماۋىن وتىنەدى. سونىمەن بىرگە سوقىر سەنىمنىڭ سوڭىنان كوزسىز ەرىپ كەتپەي, كەز كەلگەن جاعدايدا پاراسات پەن پايىمعا ارقا سۇيەۋ كەرەكتىگىن ايتىپتى.
اداسقاننىڭ ايىبى جوق, قايتىپ ءۇيىرىن تاپقان سوڭ دەگەن حالىقتىق قاعيدا دا ءدال وسىنداي جاعدايدا ايتىلسا كەرەك.
تەمىر قۇسايىن,
«ەگەمەن قازاقستان»
اقتوبە وبلىسى
