ەكسپو-2017 حالىقارالىق كورمەسى پوستكەڭەستىك كەڭىستىكتە تۇڭعىش رەت قازاقستاندا ءوتتى. بۇل جوبا ءساتتى جۇزەگە استى. قازاقستاندىقتاردى, شەتەلدەردەن كەلگەن قوناقتاردى زور قۋانىشقا, شاتتىققا بولەدى. جاستاردىڭ كوزىن اشىپ, العا ۇمتىلدىردى. 93 كۇنگە سوزىلعان مادەني شارالار استانانى عاجاپ ءبىر مەرەكە ورتالىعىنا اينالدىردى. قازاق جەرىنە دوستىق, دامۋ, جەتىلۋ مەن تابىس اكەلدى. قازاق ەلىنىڭ كوركىن, تابىستى ەكونوميكاسى مەن تاريحىن, داستۇرلەرىن بۇكىل دۇنيە جۇزىنە پاش ەتتى.
كۇن ەنەرگياسىن, سوعان بايلانىستى بولاشاق تەحنولوگيالاردى ۇتىمدى پايدالانا ءبىلۋ – بارلىق مەملەكەتتىڭ ارمانى. ول – بولاشاقتىڭ تاۋسىلماس قاينار بۇلاعى. مەملەكەت باسشىسى ن.نازارباەۆ بولاشاقتىڭ ەنەرگياسىن نازاردا ۇستاپ, ەلىمىزدىڭ ەكونوميكاسىن دامىتۋعا جەتە كوڭىل ءبولىپ كەلە جاتقان كورەگەن ادام. ونىڭ يدەيالارى, بيىك باستامالارى, ەڭبەكتەرى بىزگە ۇنەمى كۇش-قۋات بەرىپ, دوستىقتىڭ, بەيبىت ءومىر مەن دامۋدىڭ تۋىن ۇستاۋىمىزعا جول كورسەتىپ كەلەدى.
كۇن ەنەرگياسى بارلىق ەنەرگيادان ارزان, ءتيىمدى. ونى الەمدەگى بارلىق مەملەكەت ءوز جەتىستىكتەرىنىڭ قاتارىنا قوسقىسى كەلەدى. ونى دۇرىس, ءتيىمدى پايدالانا الۋ ادام بالاسىنا ۇلكەن جەتىستىك پەن جەڭىلدىك اكەلەدى. ال قازاقستانعا, ەكسپو-2017 كورمەسىنە كەلگەن شەتەلدىك تۋريستەر ەلىمىزدىڭ بەيبىت, قوناقجاي ەل ەكەنىن, استانانىڭ باسقا ءىرى دامىعان مەملەكەتتەردىڭ استانالارىنان كەم ەمەس ەكەنىن كورىپ, قىزىعىپ كەتتى.
ەكسپو-نىڭ تاريحى ارىدە جاتىر. ءبىز ءۇشىن ونىڭ اتى فرانتسيانىڭ استاناسى پاريج قالاسىمەن, اتاقتى ءانشى امىرە قاشاۋباەۆپەن بايلانىستى. ول – 1851 جىلى انگليانىڭ استاناسى – لوندون قالاسىنان باستاۋ العان ەكونوميكالىق جەتىستىكتەر مەن عىلىمي دامۋدىڭ, يننوۆاتسيالىق تەحنولوگيالاردىڭ ۇزدىك كورمەسى. ونىڭ ادامزاتقا بەرەتىن تاعىلىمى ۇلكەن. ول – دوستىقتىڭ, تاتۋلىقتىڭ, جەتىستىك پەن دامۋدىڭ ۇلكەن ءبىر كورسەتكىشى بولدى.
ەكسپو-نىڭ تۋىن ۇستاعان ەلدەر باقىتتى. سول باقىتقا قازاق ەلى دە جەتتى. كورمە قازاقستاندى الەمدىك ارەنادا تاعى ءبىر بيىككە كوتەردى. وسى ورايدا ەكسپو-2017-ءنىڭ قازاقستان تاريحىندا الاتىن ورنى دا زور بولماق.
ايدا سىبانباەۆا,
استانا تۇرعى
