«ەستەرىڭىزگە سالا كەتەيىك, وسىدان بىرەر ساعات بۇرىن وزبەكستان مەن قازاقستان سپورتشىلارى التىن مەدالدار سانى جاعىنان تەڭەسكەنىن حابارلاعان بولاتىنبىز.
مىنە, كوپ ۇزاماي قازاقستاندىق سپورتشىلار ەل قورجىنىنا ەكى التىن مەدال سالىپ, وزبەك قارسىلاستارىن بەسىنشى ورىنعا سىرعىتتى», دەيدى حالىقارالىق اقپارات اگەنتتىگىنىڭ ءتىلشىسى كۇنسۇلتان وتارباي.
«قازىر قازاقستان قورجىنىندا 25 التىن, 26 كۇمىس, 33 قولا مەدال بولسا, وزبەكستاندا 23 التىن, 30 كۇمىس, 67 قولا مەدال بار. ال كوش باسىندا تۇرىكمەنستان سپورتشىلارى تۇر. ولار جالپى مەدالدار سانىن 236-عا جەتكىزدى, ونىڭ 87 - التىن, 67 - كۇمىس, 82-ءسى قولا مەدال. ەكىنشى ورىندى ەكى كۇننەن بەرى قىتاي سپورتشىلارى ۋىسىندا ۇستاپ كەلەدى. ولاردىڭ ەنشىسىندە 38 التىن, 28 كۇمىس, 23 قولا, جالپى 89 مەدال بار. ءۇشىنشى ورىنعا 26 التىن, 18 كۇمىس, 59 قولا, بارلىعى 103 مەدال يەلەنگەن يران قۇراماسى جايعاسىپ وتىر.
ايتا كەتەيىك, اتالمىش بايراقتى دودا ەرتەڭ, ياعني 27 قىركۇيەك كۇنى ءوز مارەسىنە جەتەدى. بۇل دودادا ەل نامىسىن قورعاۋعا قازاقستاننىڭ 150 سپورتشىسى اتتانعان بولاتىن. ولار جارىستىڭ 17 تۇرىنەن سىنعا تۇسۋدە», دەپ تۇيىندەلىپتى اتالعان اقپاراتتىق ماقالا.
