فينالدىق كەزدەسۋ 2019 جىلدىڭ 1 ماۋسىمىندا وتەدى. ال ەۋروپا ليگاسىنىڭ اقتىق باسەكەسى باكۋ قالاسىنداعى (ازەربايجان) «وليمپيا» ارەناسىنا جوسپارلانىپ وتىر. ال قوس فينالدىڭ جەڭىمپازدارىن, ياعني 2019 جىلعى ەۋروپا سۋپەركۋبوگىن 14 تامىز كۇنى ىستانبۇل (تۇركيا) قالاسىنداعى «بەشيكتاش ستەديۋم» قابىلدايدى.
مۇنداي شەشىم نون (شۆەيتساريا) قالاسىندا ۋەفا-نىڭ اتقارۋشى كوميتەتىنىڭ وتىرىسىندا قابىلداندى.
ال وسى ماۋسىمدا چەمپيوندار ليگاسىنىڭ فينالى كيەۆ (ۋكراينا) قالاسىنداعى «وليمپيا» ستاديونىندا وتەدى. بۇل ءتۋرنيردىڭ قازىرگى جەڭىمپازى – «رەال» كومانداسى. ال وتكەن جىلى «مانچەستەر يۋنايتەد» جەڭىپ العان ەۋروپا ليگاسىنىڭ بيىلعى شەشۋشى ويىنى ليون قالاسىنداعى (فرانتسيا) «وليمپيك پارك» ستاديونىندا ۇيىمداستىرىلادى. ال 2018 جىلعى ەۋروپا سۋپەركۋبوگى تاللين قالاسىنداعى (ەستونيا) «ليللەكيۋلا» الاڭىندا وتەدى.
ايتا كەتەيىك, «ۆاندا مەتروپوليتانو» ستاديونىنىڭ اشىلۋى وتكەن سەنبى كۇنى, ياعني 16 قىركۇيەكتە بولدى. بۇل كۇنى مادريدتىكتەر «مالاگا» كومانداسىن 1:0 ەسەبىمەن جەڭدى. جاڭا ستاديونداعى العاشقى ءارى وسى ماتچتاعى جالعىز گولدى فرانتسيالىق انتۋان گريزمانن سالدى.
