گ.ابدىقالىقوۆا حالىقتى الەۋمەتتىك قورعاۋ سالاسىنداعى بىرىڭعاي الەمدىك ساياساتتى جۇزەگە اسىرۋ ىسىندە قاۋىمداستىقتىڭ ماڭىزدى ءرول اتقاراتىندىعىن اتاپ ءوتتى. مەملەكەتتىك حاتشىنىڭ ايتۋىنشا, قازاقستان ۇيىمنىڭ ماقساتتارىنا قولداۋ كورسەتىپ كەلەدى جانە الەۋمەتتىك قامسىزداندىرۋ جۇيەسىن جەتىلدىرۋ باعىتىندا بىرلەسە جۇمىس جۇرگىزۋگە مۇددەلى.
«حاقق-مەن ىنتىماقتاسا جۇمىس ىستەگەنىمىزگە 5 جىل بولدى. وسى ۋاقىت ارالىعىندا ۇيىم قولداۋىمەن ەلدەگى الەۋمەتتىك قامسىزداندىرۋ جۇيەسىن جەتىلدىرۋ جاقساردى. حالىقتى الەۋمەتتىك قامسىزداندىرۋدىڭ 3 كەزەڭدىك جۇيەسى ىسكە اسىپ, تيىمدىلىگىن كوز كوردى», – دەگەن گ.ابدىقالىقوۆا قاۋىمداستىق توراعاسىنىڭ جۇمىسىنا ءىلتيپاتىن ءبىلدىردى.
مەملەكەتتىك حاتشى قازاقستاننىڭ الەۋمەتتىك دامىتۋدىڭ 2030 جىلعا دەيىنگى تۇجىرىمداماسىندا بەلگىلەنگەن حالىقتى الەۋمەتتىك قورعاۋ سالاسىنداعى ساياساتتى ءبىزدىڭ ەلىمىز كەزەڭ-كەزەڭىمەن جۇرگىزىپ كەلە جاتقانىن ايتتى. بۇگىندە قازاقستان الەۋمەتتىك جانە ەكونوميكالىق جەتىستىكتەرىنىڭ ارقاسىندا جۇمىسپەن قامتۋ مەن جاپپاي كاسىپكەرلىكتى دامىتۋعا, حالىقتى الەۋمەتتىك قورعاۋدىڭ ورنىقتى قىزمەت اتقاراتىن جۇيەسىن قۇرۋعا جاردەمدەسىپ كەلەدى.
كەزدەسۋدە گ.ابدىقالىقوۆا قاۋىمداستىقتىڭ تەحنيكالىق كوميسسياسىنىڭ قۇرامىنا قازاقستان العاش رەت 2016 جىلى كىرگەنىن اتاپ ءوتتى. ونىڭ پىكىرىنە سۇيەنسەك, بۇل قادام حالىقارالىق ۇيىم قىزمەتىنە ەلىمىزدىڭ قاتىسۋ بەلسەندىلىگىن ارتتىرا تۇسەتىن تىڭ سەرپىن.
مەملەكەتتىك حاتشى كەزدەسۋ سوڭىندا قاۋىمداستىقتىڭ باس حاتشىسى حانس-حورست كونكولەۆسكيدىڭ قازاقستانعا ساپارىنا تابىس تىلەدى.
اباي اسانكەلدى ۇلى,
«ەگەمەن قازاقستان»
