قازىرگى وزىق تەحنولوگيالار زامانىندا لاتىن ءالىپبيى قازاقستاندىقتاردىڭ رۋحاني جاڭعىرۋى مەن جاس بۋىننىڭ جاڭا ساتىعا كوتەرىلۋىنە جول اشادى. سونىمەن قاتار قازىرگى قازاق تىلىندەگى جات دىبىستار تۋدىراتىن ارىپتەر قىسقارتىلىپ, ءتىل تازالىعى ماسەلەسى شەشىلەدى. لاتىن الىپبيىنە كوشۋ – ءتىلىمىزدى حالىقارالىق دارەجەگە كوتەرۋدىڭ بىردەن-ءبىر جولى. پرەزيدەنت ءوز جولداۋىندا قازاق ەلىنىڭ ساياسي-ەكونوميكالىق, الەۋمەتتىك-مادەني, عىلىمي-اعارتۋشىلىق دامۋىن, حالىقارالىق كەڭىستىكتەگى ورنىن جان-جاقتى باعامداپ, ىشكى جانە سىرتقى جاعدايدى تولىق ەسكەرىپ, ءالىپبيدى قاشان, قانداي جولدارمەن اۋىستىرۋ كەرەكتىگىنە بايلانىستى شەشىم شىعاردى. ارنايى باعدارلاما بەكىتىلىپ, قارجىلىق قولداۋلار دا كورسەتىلىپ جاتىر. وسىنىڭ بارلىعى قازاقستاننىڭ بولاشاعى ءۇشىن اتقارىلىپ جاتقان ۇلكەن شارالار بولىپ تابىلادى.
وسى رەتتە «جۇمىلا كوتەرگەن جۇك جەڭىل» دەمەكشى, ءار قازاقستاندىق ءوز تاراپىنان لاتىن الىپبيىنە كوشۋ باعىتىنا قولداۋ كورسەتسە, ەلىمىزدىڭ الەمدەگى وزىق وتىز مەملەكەت قاتارىنا قوسىلۋ كۇنى الىس بولمايدى. پرەزيدەنت ن.ءا.نازارباەۆ «قازاقستان-2050» ستراتەگياسىندا قازاقستانداعى قازاقتار عانا ەمەس, تۇتاس حالىقتىڭ 95 پايىزى 2025 جىلى مەملەكەتتىك ءتىلدى يگەرەدى دەپ بولجادى. ياعني وسى مەرزىم ارالىعىندا تۇتاس حالىق بولىپ, لاتىن ءالىپبيىنىڭ ەل ساناسىنا سىڭىسۋىنە جول اشىلعان. بۇل دا ەلباسىمىزدىڭ اسا كورەگەن ساياساتىنىڭ ءبىرى دەۋگە بولادى.
وسى ورايدا قازاقستان رەسپۋبليكاسى كاسىپوداقتار فەدەراتسياسى ەلباسىمىزدىڭ اتالمىش باستاماسىن تولىققاندى قولداي وتىرىپ, ەلىمىزدىڭ رۋحاني جاڭعىرۋى جانە دامۋى جولىندا ەڭبەك ەتۋگە دايىن. سەبەبى كاسىپوداقتار ۇجىمى سانانى جاڭعىرتۋ ماسەلەسىنە وتە كوپ كوڭىل بولەدى. اسىرەسە جاستار اراسىندا عىلىم مەن ءبىلىم باسەكەلەستىگىنە جول اشا وتىرىپ, كاسىبي دەڭگەيدە دامۋىنا باسا نازار بولىنگەن. ياعني كاسىپوداقتار فەدەراتسياسى ءار كاسىپوداق مۇشەسىنىڭ لاتىن الىپبيىنە كوشۋ باعدارلاماسىنا قاتىستى تولىققاندى اقپاراتتاندىرىلۋى اياسىندا جۇمىستار جۇرگىزەدى.
قازاقستان رەسپۋبليكاسى
كاسىپوداقتار فەدەراتسياسى
