شارانى بارىسىندا ەلجان ءبىرتانوۆ 2017 جىلعى 10 ماۋسىم مەن 10 قىركۇيەك ارالىعىنداعى كەزەڭدە استانا قالاسىندا وتكىزىلگەن ەكسپو-2017 حالىقارالىق مامانداندىرىلعان كورمەسىنىڭ ءساتتى اياقتالۋىمەن بارلىق قاتىسۋشىلاردى قۇتتىقتاپ, العىسىن ءبىلدىردى.
ء«بىزدىڭ ەلدە وتكىزىلگەن بۇل اۋقىمدى ءىس-شارا قازاقستاننىڭ ەكونوميكالىق مۇمكىندىگىنىڭ وسكەنىن, الەم ەلدەرىنىڭ اراسىنداعى ونىڭ بەدەلى مەن جوعارى ورنىن كورسەتتى. ەكسپو-عا 4 ميلليوننان استام ادام باردى, بۇل وسىنداي كەلۋشىلەردىڭ كوپ سانىنا مەديتسينالىق قىزمەت كورسەتۋ مەن سانيتاريالىق-ەپيدەميولوگيالىق سالاماتتىلىعىن قامتاماسىز ەتۋ بويىنشا شىن مانىندە ۇلكەن جۇمىس جۇرگىزۋدى قاجەت ەتتى» دەدى مينيستر.
سونىمەن قاتار, ەلجان ءبىرتانوۆ مەديتسينا قىزمەتكەرلەرىنىڭ كاسىبيلىگى, جەدەل ءىس-قيمىلى كومەككە جۇگىنگەن ادامدارعا قىسقا مەرزىمدە كومەك كورسەتۋگە, اسقىنۋلارعا جانە كەلۋشىلەردىڭ شاعىمدارىنا جول بەرمەۋگە مۇمكىندىك بەرگەنىن, مەديتسينالىق كومەككە 9 مىڭ ادام جۇگىنگەنىن, ونىڭ ىشىندە ءبىر جارىم مىڭى شەتەلدىكتەر ەكەنىن جانە بىردە-ءبىر اسقىنۋ جاعدايىنا جانە ءولىم جاعدايىنا جول بەرىلمەگەنىن تىلگە تيەك ەتتى.
سونداي-اق ول سانيتاريالىق-ەپيدەميولوگيالىق قىزمەتتىڭ قىزمەتكەرلەرىنە پروفيلاكتيكالىق جۇمىستىڭ اۋقىمدى كولەمىن جۇرگىزۋدە مامانداردىڭ جۇيەلى جۇمىسىنا العىس ايتتى.
«ماسەلەن, سانەپيدقىزمەتتىڭ قىزمەتكەرلەرىمەن كۇن سايىن كورمەنىڭ اۋماعىندا ورنالاسقان 85 تاماقتانۋ وبەكتىسىنە جانە «MEGA Silk Way» سوو باقىلاۋ جۇرگىزىلدى. تاماق ونىمدەرىنىڭ 35-تەن استام اتاۋىنا, ازىق-ت ۇلىك ونىمدەرىنىڭ 12 مىڭنان استام سىناماسىنا ەكسپرەسس-ساراپتاما جۇرگىزىلدى. سالماعى 11 توننا بولاتىن ازىق-ت ۇلىك ونىمدەرىنىڭ 1625 پارتياسى جارامسىز دەپ تانىلىپ, ەكسپر اۋماعىنا جىبەرىلگەن جوق. ونىڭ ىشىندە 3 توننادان استام ازىق-ت ۇلىك ساتىلىمنان الىنىپ تاستالىپ, جويىلدى. شەتەلدەن ينفەكتسيالىق اۋرۋلاردىڭ اكەلىنۋىنە جول بەرمەۋ ماقساتىندا استانا قالاسىنىڭ حالىقارالىق اۋەجايىندا شەتەلدەن كەلگەن ادامدارعا كۇشەيتىلگەن سانيتاريالىق-كارانتيندىك باقىلاۋ جۇرگىزىلدى. ەكسپو كەزەڭىندە 218 مىڭ جولاۋشى مەن 14 مىڭ ەكيپاج مۇشەسى تەكسەرىلدى. اسا قاۋىپتى ينفەكتسيا كۇدىگى بار جولاۋشىلار انىقتالعان جوق» - دەپ تولىقتىردى.
ەلجان ءبىرتانوۆ ءسوزىن قورىتىندىلاي كەلە, مەديتسينا قىزمەتكەرلەرىنە حالىققا مەديتسينالىق كومەك كورسەتۋ كەزىندەگى وراسان زور ەڭبەكتەرى, شەبەرلىكتەرى مەن قايسارلىقتارى جانە ەلىمىز ءۇشىن ماڭىزدى حالىقارالىق ءىس-شارانى مەديتسينالىق قامتاماسىز ەتۋ كەزىندە ەرەن ەڭبەك اتقارعاندارى ءۇشىن تاعى دا العىسىن ءبىلدىردى.
راۋان قايدار,
«ەگەمەن قازاقستان»
