سەناتورلار قازاقستان مەن سەربيا اراسىنداعى قىلمىستىق ىستەر بويىنشا قۇقىقتىق كومەك كورسەتۋ تۋرالى ەكىجاقتى شارتتى راتيفيكاتسيالاۋ تۋرالى ماسەلەنى قارادى. بۇل قۇجات ەكى مەملەكەت اراسىنداعى قىلمىستىق ىستەر بويىنشا قۇقىقتىق كومەكتى ىسكە اسىرۋدىڭ ۇيىمداستىرۋ-قۇقىقتىق تەتىكتەرىن ەگجەي-تەگەيلى رەتتەيدى. يممۋنيتەت, بانك ەسەپ-شوتتارى مەن قارجى-قاراجات اقپاراتىن ايقىنداۋ, زاتتار مەن قۇجاتتاردى قايتارۋ, اقپاراتتاردى, شىعىستاردى ەرىكتى تۇردە بەرۋ, سوتتالعاندىعى تۋرالى اقپاراتتى الماسۋ, قۇجاتتار مەن ماتەريالداردى زاڭداستىرۋدان بوساتۋ ماسەلەلەرىنە جەكەلەگەن ەرەجەلەر ارنالىپ وتىر.
قاراۋعا ۇسىنىلعان قازاقستان مەن سەربيا اراسىنداعى ادامداردى ۇستاپ بەرۋ تۋرالى شارت قىلمىستىق ىزدەستىرۋدەن جاسىرىنىپ جۇرگەن, سونداي-اق جازادان جالتارىپ جۇرگەن ادامداردى ۇستاپ بەرۋ ماسەلەلەرى بويىنشا ەكى ەلدىڭ قۇزىرەتتى ورگاندارى اراسىنداعى ىنتىماقتاستىقتىڭ قۇقىقتىق نەگىزدەرىن رەتتەيدى.
كوميتەت وتىرىسىندا سونداي-اق سوتتالعان ادامداردى بەرۋ تۋرالى ەكىجاقتى شارت تا ۇسىنىلدى. قۇجات سوتتالعان ادامداردى وڭالتۋعا جانە الەۋمەتتىك ورتاعا قايتا ورالۋعا جاردەمدەسۋ ماقساتىندا ولاردى بەرۋ سالاسىنداعى ىنتىماقتاستىقتى ورناتۋعا, سونداي-اق سوتتالعان ادامدارعا ءوزىنىڭ ەلىندە جازاسىن وتەۋگە مۇمكىندىك جاساۋعا باعىتتالعان.
زاڭ جوباسى پالاتانىڭ قاراۋىنا جىبەرىلدى.
